Ang biktima giila sa kapolisan nga mao si Junko Hamada, 71, minyo, taga Escario Street, Barangay Capitol Site. Samtang ang mga mamumuno nakasakay og motor.
File
Negosyanteng Haponesa gipatay
Ermida Moradas (Banat) - August 26, 2018 - 12:00am

CEBU, Philippines — Usa ka negosyanteng babayeng Haponesa ang gibanhigan patay samtang kini nagmaneho sa iyang sakyanan diha sa N. Bacalso Avenue, Barangay Duljo- Fatima ning Dakbayan sa Sugbo niadtong nakalabay nga gabii.

Ang biktima giila sa kapolisan nga mao si Junko Hamada, 71, minyo, taga Escario Street, Barangay Capitol Site. Samtang ang mga mamumuno nakasakay og motor.

Matud pa sa hepe sa Mambaling Police Station, Police Chief Inspector Randy Caballes nagmaneho ang biktima sa iyang Montero SUV nga dunay plate number YKB 226 sa dihang pag-abot sa junction box kalit kining gisikitan sa nagmotor ug gipaulanan og bala.

Dali nga nisibat sa wala matinong direksyon ang biktima nga wala nay kinabuhi.

Si Caballes mitug-an sa Banat News    nga may tulo ka persons of interest silang gisundan karon ug gisusi nila ang ilang posibleng partisipasyon sa maong krimen. Gitan-aw nila ang kalabutan sa trabaho sa biktima  ug personal grudge. Si Hamada maoy presidente sa Beams Philippine Export Inc. usa ka kompaniya sa furniture sa Talisay City.

“Magsugod mi sa iyang negosyo ug personal life. Sa iyang negosyo ug unsay nahitabo para mahibawo namo unsay sundon nga anggulo,” sigun pa ni Caballes.

Si Hamada padung na unta mouli sakay sa iyang SUV gikan sa trabaho dihang kini gibanhigan. Naigo siya katulo sa ulo ug abaga.

Dili mominos 20 ka tuig nga nagpuyo sa Cebu si Hamada samtang atua sa Japan ang pamilya niini. Si Caballes niingon nga ila nang nakontak ang pamilya niini sa Japan ug gipahibawo sa  nahitabo samtang nakig-alayon na usab sila sa embahada sa Japan.

Padayon usab karon ang pagtan-aw sa mga CCTV footage sa mga establisamento sa lugar nga posibleng nakakuha sa maong panghitabo.

Si Caballes miawhag usab sa mga motoristang may dash camera nga posibleng nakakuha usab sa maong panghitabo pagduol sa ilang estasyonan para sa dali nga pagsulbad sa kaso.(Rowena D. Capistrano/IBM)(BANATNEWS)

DEAD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with