_banat
^

Dugang kaso batok Tumulak gitun-an

Decemay P. Padilla (Banat) - August 11, 2018 - 12:00am

CEBU, Philippines – Gitun-an sa kapolisan ang pagdugang og kasong obstruction of justice batok kang Konsehal Dave Tumulak sa gihimo niining pagpanguha sa mga ebidensya sa crime scene dihang napusilan si PO3 Eugene Alain Calumba sa may T. Padilla Extension eskina Alviola St., Tejero, Dakbayan sa Sugbo niadtong Hulyo 30.

Napasaka na ang kasong physical injuries, grave threat ug grave coercion sa Criminal Investigation Detection Group-7 batok kang Tumulak human positibong gitudlo sa ilang saksi nga gidapatan ug gitionan niini ang kauban ni Calumba nga si Michael Banua.

Si Police Regional Office-7 director, Chief Supt. Debold Sinas, nagkanayon nga obstruction of justice ang pagpanghilabot sa crime scene ug ang pagguba sa chain of custody sa mga ebidensya.

Gihimakak ni Tumulak nga iyang gikuha sa crime scene ang pitaka ni Banua nga adunay identification card sanglit mismo ang nurse sa tambalanan ang ni-turnover niini ngadto kaniya.

Si Calumba mao ang polis nga gipusil ni William Macaslang, drayber ni kanhi Tejero barangay kapitan, karon Konsehal Jessielou Cadungog, human giingong aksyon sila nga gibanhigan dihang nibunot og armas.

Apan ang PRO-7 niingon nga nag-surveillance lang sa lugar sila si Calumba ug ni-overtake ra sa sakyanan ni Cadungog nunot sa kahinay sa dagan sa trapiko.

Gihimug-atan sab ni Tumulak, deputy mayor for police matters sa siyudad, nga wala siya’y gihimong ilegal dihang niresponde sa pagpamusil nga naglambigit nila ni Calumba, Banua, Cadungog ug Macaslang.

Ang konsehal niingon nga si Banua namakak apan dili niya mabasol ang imbestigador sa CIDG kay nagsalig ra sab sila sa pamahayag niini dungan sa pagbutyag nga iyang atubangon sa korte ang kaso.

Gipasabot ni Tumulak nga niadto siya sa lugar sa nahitaboan aron pagluwas sa kinabuhi ni Banua kinsa nagkadugo sulod sa sakyanan human gikulata sa mga tawo ug gani giingong kulatahon unta kini og usab apan naabot siya ug iyang gibadlong ang mga tawo ug iyang gidala sa Cebu City Medical Center.

“Ako lang gihangyo sa PNP we are partners, we are in the government, magkatawa ini ang mga kriminal ug drug pushers, mga drug addicts nga nag-unay na hinoon ang masigka-gobiyerno, isip usa ka opisyal sa kagamhanan ug sila isip opisyal sa PNP, hinaut unta dili sila maingon ana kay lain kaayo ni tan-awon sa mata sa kriminal, sila’y magkatawa, ang tinuod lang unta maoy mogawas,” matud ni Tumulak.

Giangkon ni Tumulak nga duna siyay gamay nga kabalaka apan wala kini nagpasabot nga mohunong siya sa pagserbisyo sa katawhan sa Siyudad sa Sugbo ug sayud siya nga mogawas gyud ang kamatuoran. Giklaro sab niini nga wala siyay kahiubos sa PNP apan kini naglaum nga madungog sa kapolisan ang iyang habig.

Giawhag ni Tumulak si Banua nga mosulti kun unsay tinuod nga nahitabo kaniya ug dili mamakak sanglit makaguba kini sa imahe sa kapolisan ingon man sa gobiyerno. (/GMR)(BANAT NEWS)

DUGANG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with