Si retired Insp. Jose Dupay kinsa bodyguard ni Daanbantayan Mayor Vicente Loot ang gidakop sa kanhi kaubanan niya sa serbisyo gumikan sa pagdala og armas nga walay dokumento.
CPPO/GMR
Bodyguard ni loot gidakop
Lorraine Mitzi A. Ambrad (Banat) - June 13, 2018 - 12:00am

CEBU, Philippines — Nadakpan sa paghupot og ilegal nga armas ang 61-anyos nga retiradong polis kinsa security escort ni Daanbantayan Mayor Vicente Loot kagahapon sa hapon sa Narangay Malingin sa maong lungsod.

Ang dinakpan giila nga si retired Insp. Jose Dupay, residente sa Barangay Poblacion sa maong lungsod.

Sumala pa sa Cebu Provincial Police Office nga nakadawat og sumbong ang hepe sa Daanbantayan Police Station, Senior Inspector Adrian Nalua, nga armado si Dupay hinungdan nga girespondehan kini.

Dihang gironda sa kapolisan ug gipangutana kun aduna bay papeles sama sa authority to carry firearms, wala kini nakapakita hinungdan nga gidakop.

Nakuha ang duha ka Colt caliber .45 nga adunay tag-unom ka bala.

Si Dupay ang usa sa mga personal security escorts ni Loot. (Camille L. Pateres/GMR)

VG Magpale gihangyo padaganon sa 2019

Atol sa kasaulogan sa Independence Day kagahapon, gihangyo si Bise Gobernador Agnes Magpale nga padaganon og usab sa eleksiyon sunod tuig.

Si Atty. Baldomero Estenzo, dean sa usa ka pribadong unibersidad, ang namulong sa pag-aninaw sa Philippine Independence apan taliwala sa iyang pakigpulong, gihisgutan niya ang importansya nga adunay maayong mga lider aron maprotektahan ang kagawasan nga natagamtam sa mga Pilipino.

Gisumpayan niya kini sa hangyo kang Magpale atubangan sa mga empleyado sa Kapitolyo nga nisalmot sa flag raising ceremony.

“Please reconsider (to run again for vice governor),” sigun ni Estenzo samtang nilingi kang Magpale.

Matud sa abogado nga gikinahanglan sa mga Sugbuanon ang lider nga susama og kalidad ni Magpale diin gisundan kini sa pakpak sa mga naminaw.

Apan nagdumili si Magpale sa pagtubag sa maong hangyo.

Si Magpale una na nga nipadayag nga ganahan na siya moretiro sa politika ug mo-focus sa iyang pamilya.

Nidugang sab siya nga ang iyang pangedaron nga 76-anyos karong tuiga ang usa sab sa rason.

Si Gobernador Hilario Davide III nipadayag nga ganahan siya nga si Magpale gihapon ang iyang running mate sa sunod eleksiyon.

Dugang ni Davide nga nananghid na kaniya ang bise gobernador nga dili na siya modagan apan nanghinaut nga mausab pa kini sanglit layo pa ang panahon sa pagsang-at sa kandidatura. (/GMR)(BANATNEWS)

 

BODYGUARD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with