Clean up sa veco malampuson
CEBU, Philippines – Malampusong gipahigayon sa Visayan Electric Company ang Clean Up Drive 2018 nga may tema nga “Atong Tugkaran, Atong Limpyuhan” niadtong Abril 28 sa J. Panis Street, Banilad, Cebu City. Kapin sa 50 ka VECO Kaibigans ang nisalmot dala ang ilang silhig, pangkahig, daspan ug trash bag nga sudlan sa basura.
Kini kabahin sa kalihukan sa VECO’s post-Earth Day tumong sa pagpalambo sa panaghigalaay sa ilang mga empleyado ug pagpalambo sa environmental awareness.
Bisan sa kainit ang VECO Kaibigans nakakolekta og 80 ka bag nga puno sa basura.
Sa laing bahin nagpadayon sa pagpanglimpyo sa ilang mga campaign posters ang mga kandidato sa niaging piniliay sa Barangay ug Sangguniang Kabataan (SK) sa Dakbayan sa Mandaue.
Kini human nibahad si Mayor Gabriel Luis “Luigi” Quisumbing sa pagpahamtang og silot niadtong mapakyas sa pagtangtang sa ilang mga posters.
Si Quisumbing nihatag og tagal hangtud sa Lunes sa pagtangtang sa mga posters aron dili makamulta og P5,000 subay sa ordinansa. (Ericalene S. Tanudtanud, UV Journalism Intern (/GMR)(BANAT NEWS)
- Latest
