City officials pautangon og bisekleta
Odessa Leyson (Banat) - May 21, 2018 - 12:00am

CEBU, Philippines — Pabor ang Committee on Laws sa Cebu City Council sa proposed ordinance nga mag-grant sa bike loan sa kwalipikadong opisyales ug empleyado sa siyudad.

Ang Committee on Laws, ordinances and Styling walay pagsupak sa  gi-sponsor  nga ordinansahon ni Konsehal Eugenio Gabuya Jr.

“Considering the foregoing, this committee finds the proposed ordinance to be within the power of this august body to enact, subject available funds for the said purpose,” tipik sa committee report.

Apan ang komitiba mirekomendar nga i-refer kini sa Committee on Budget on Finance alang sa komento ug rekomendasyon.

Ang Committee report gipirmahan sa Chairperson  Konsehal Sisinio Andales.

Kahinumduman niadtong Marso 20, 2018, si Gabuya niduso sa ordinansahon sa ubang miyembro sa City Council.

Si Gabuya kinsa usa ka sports enthusiast mi-sponsor niini aron pag-awhag sa mga officials ug employees nga mogamit og bisekleta isip transportasyon nga iyang gihulagway makaayo sa panglawas.

Ang konsehal miingon ang estado adunay katungod nga mo-protektar sa panglawas sa katawhan ug itanom sa ilang alimpatakan ang kamahinungdanon sa pagbaton og himsog nga panglawas.

Nakalatid sa proposed ordinance nga ang mga elected officials ug kwalipikadong permanenteng mga kawani nga maka-avail sa bike loan nga nagkantidad og P15 mil.

Sa legislation, permanent employees mao kining casual employees ug regular city hall workers. Ang P15 mil nag-cover sa safety gears ug gikinahanglan nga mga accessories sa bisekleta.

Nakalatid usab sa proposed ordinance nga kadtong mga interesado mosunod og mga patakaran sa pagpangutang og bike.

Kini mao ang pag-fill up og application form sa City Treasurer's Office ug aprubahan sa office head, ang form i-forward sa Human Resource Development Office ug i-review sulod sa 15 ka adlaw.

Kon maaprubahan adto kini iduso sa CTO alang sa processing sa tsek ug ang payroll maker momentinar sa records sa nihuwam.

Pabayran kini kanila matag ikatulong Biyernes sa buwan ug kada ikaduhang payroll sa buwan ang sa mga casual employees. (BANAT NEWS)

BIKE LOAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with