^

Arcilla: Ikiha ko

Decemay P. Padilla (Banat) - April 18, 2018 - 12:00am

CEBU, Philippines - Giawhag ni Konsehal Alvin Arcilla ang iyang mga kritiko nga mosang-at og kaso batok niya may labot sa isyu sa sakyanan  sa iyang buhatan nga nakit-an sa Cebu Safari and Adventure Park sa Lungsod sa Carmen niadtong adlaw’ng Sabado, Abril 14.

Sigon ni Arcilla, ang tumong sa iyang pag-adto didto mao nga makita kon giunsa pag-develop ang kabukiran nga dili kinahanglan gusbaton sanglit ang kagamhanan sa siyudad karon anaa sa proseso sa pag-amendar sa City Land Use Plan nga matod pa 20 ka tuig na nga wala mahilabti ug zoning ordinance.

Alang ni Arcilla isip legislator kinahanglan makahibawo siya kung unsay good practices sa ubang mga Local Government Unit (LGUs).

“Ingon sila illegal among pag-adto, no. Ang ikaduha illegal sab diay ang pag-adto namo by Thursday ug Friday moadto mi sa Taguig, moadto mi sa Quezon City, moadto mi sa Tagaytay para sa pagtuon sa ilang Land Use Plan didto ug sa zoning ordinance?” pangutana pa sa konsehal.

Giangkon ni Arcilla nga nasakitan siya sa pasangil nga gigamit nila sa iyang pamilya ang sakyanan kay gilikayan nila kini.

“Niabot ang punto ba ang mga bata pud kay end sa ilang klase katong classmates sa akong anak nagsabot sila nga moadto og Safari ingon ko sige kuyugan ta mo kay at least makaadto pud ko.  Maka-witness ko ana kay ganahan pud niana moadto kay dako ko’g problema sa CLUP ug sa zoning ordinance unsaon nato pagbuhat ang kabukiran nga dili gub-on, so mao to akong giadto gigamit nako sakyanan sa gobyerno. Pero kung sayop man, ang ako lang isulti sa kritiko nako ba paggamit sa akong sakyanan didto sa Safari Adventure i-file ang kaso ayaw pakauwawi ko nga gigamit sa akong pamilya kay sultian tamo kung kinsa man nagsulti ana gigamit sa’kong pamilya ako silang hangyuon pustaanay mi. Pila ilang pusta nga pag-adto sa Safari Adventure naa akong pamilya ma-scan man na sa CCTV para gyud maklaro kung ako bang pamilya akong kuyog,” dugang ni Arcilla.

Si Cebu City Mayor Tomas Osmeña sa iyang bahin misuporta sa hagit ni Arcilla sa mga kritiko sa konsehal nga mo-file og kaso aron matubag kini og sakto.

Sumala pa sa mayor, ang pag-adto ni Arcilla kabahin sa learning process ug trabaho kini matod pa sa konsehal ug aduna la’y mga tawong kusog mohimo og estorya.

Matud sa mayor nga kadtong gusto mohuwam sa sakyanan sa siyudad dili niya pugngan.

Wala sab siya’y planong kasohan ang sakyanan sa Barangay Cambinucot nga nakit-an sab didto sa Lungsod sa Carmen niadtong adlaw’ng Domingo diin  si Kapitan Rey Lauron miingon nga mga senior citizen ug katekistang nag-pilgrim sa Our Lady of Manaog Rosary Center sa St. Monastery sa Carmen.

“I will not press charges, they want to go, go ahead. There’s no problem with me. Mao kining mga tawo nga mangita lang og sala. You know even he’s not identified with me I will not press charges, okay lang,” matud sa mayor. (/IBM)(BANAT NEWS)

ALVIN ARCILLA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with