Gipahinumduman sa mayor ang DOTr nga ilang trabaho ang pagtuman sa bilateral agreement tali sa World Bank ug ubang creditors aron pag-implimentar sa proyekto ilabi na ang Commission on Audit mitawag na sa atensiyon sa gobiyerno labot sa delay sa implementasyon sa BRT.
Photo from Cebu City BRT Facebook
LRT ug BRT mahimo rang dunganon
Decemay P. Padilla, May Miasco (Banat) - April 17, 2018 - 12:00am

CEBU, Philippines — Bisan og dili siya supak sa Light Rail Transit apan si Cebu City Mayor Tomas Osmeña nagtuo nga ang pag-ila sa consortium nga mohimo sa proyekto usa lang ka pasumangil aron kanselahon ang Cebu Bus Rapid Transit.

Nagtuo ang mayor nga si Presidential Assistant for the Visayas Michael Dino maoy nagpaluyo sa LRT Project kansang consortium giingong higala niini.

Sigon sa mayor nga dili siya motugot nga makanselar ang BRT aron i-accommodate ang LRT sanglit ang maong duha ka klase sa transportation mahimong magdungan.

 “ The other group has presented themselves. It’s my duty to listen to everything. But let me tell you my reservations. I think they are just looking for an excuse to cancel the BRT. I will not allow that to happen,” matud sa mayor.

Sa miaging semana si Chris Kou, representante sa consortium mipagawas og press statement nga nag-ingong ilang gilauman nga makompleto ang proseso sa Department of Transportation ug gipaabot nga magsugod na ang konstruksiyon sunod tuig.

Matud sa mayor nga dili niya babagan ang implementasyon sa LRT nga magdagan gikan sa Carcar City paingon sa Danao City.

Una nang na-report nga ang proposal mao ang pagtukod og elevated LRT nga dunay subway section sa central business district sa Cebu City.

Gipadayag ni Osmeña ang iyang  pagduhaduha sa P155-billion nga LRT project itandi sa BRT nga duna la’y P16.3 million nga pundo.

Matud sa mayor daghan og mga wala matubag labot sa proyekto sama sa operation, management ug maintenance sa LRT project.

Susihon usab sa mayor kon dili ba makabalda sa rota sa BRT gikan sa Barangay Bulacao paingon sa Barangay Talamban ang LRT.

Gipahinumduman sa mayor ang DOTr nga ilang trabaho ang pagtuman sa bilateral agreement tali sa World Bank ug ubang creditors aron pag-implimentar sa proyekto ilabi na ang Commission on Audit mitawag na sa atensiyon sa gobiyerno labot sa delay sa implementasyon sa BRT.

Sa iyang bahin, si Talisay City Mayor Eduardo Gullas kinsa maoy unang niduso aning LRT niadtong gobernador pa siya sa Sugbo niadtong 1986 miingon nga daghan ang makabenepisyo sa LRT kay dili lang mga adunahan o kabus ang makasakay niini, dili lang sa Cebu City kondili sa uban pang mga dapit sa probinsya.

Matud niya sulbad usab kini sa problema sa trapiko sa Metro Cebu; ang mayor miingon nga ang LRT ug BRT mahimo rang dunganon kay pareho man kining makatubag sa panginahanglan sa epektibo, luwas ug baratong transportasyon. (BANAT NEWS)

BRT LRT PROJECT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with