^

Banat Balita

Sex trafficking nasakpan

Christell Fatima Tudtud - Banat

CEBU, Philippines — Tulo ka babaye ang na- rescue sa mga polis human kini gikatahong gibugaw sa duha ka managsuong babaye sa usa ka iladong hotel didto sa Barangay Gun-ob dakbayan sa Lapu-Lapu. Si Mara Piliapil, 45, ug igsoon niini nga si Kathleen Pilapil, 38, pulos residente sa V. Rama Avenue, Barangay Calamba sa dakbayan sa Sugbo ang nasikop sa joint operation sa Lapu-Lapu City Police Office -City Intelligence Branch (LCPO-CIB) ug Gun-ob Police Station 3 inubanan sa Criminal Investigation and Detection Group (CIDG) -7 nga gipangulohan ni Chief Inspector Hector Amancia.

Ang maong operasyon giubanan sab sa Women and Children Protection Desk (WCPD) sa LCPO nga si Senior Inspector Karen Bancoleta ug WCPD officer sa Gun-ob Police Station nga si Police Officer 3 Maria Filipina Branzuela.

Si Superintendent Mark Gifter Sucalit, hepe sa LCPO- CIB nagkanayon nga gipili sa mga suspetsado ang siyudad tungod naila kini isip tourist destination.

“Taud-taod na nila na gibuhat. Two weeks namo na na-receive nga info. Tigtambayan na sila sa diri sa Lapu-Lapu ug Mandaue,” matud ni Sucalit.

“Naay informant ni-inform nato kay rampant ang sex traffic kay tourist destination,” dugang pa niya Sucalit. Ang duha ka biktima nagpangidaron og 24 anyos samtang ang usa niini 22 anyos ug pulos mga residente sa V. Rama sa Barangay Calamba.

Sa gilusad nga entrapment, nagpakaaron ingnon ang usa ka police decoy nga kustomer ni Mara ug Kathleen sa maong hotel ug didto kini sila nag- transact.

Gihatag sa police decoy ang P15,000 boodle money bugti sa tulo ka biktima ug human dawata ang kwarta dali silang gisikop.

“Sa sulod sa hotel nag- transact unya nigawas ang usa sa mga suspect (si Mara) ang ni-transact sa ato,” matud ni Sucalit. Ang mga nirespondeng police na recover ang boodle money nga gibutangan og P500 cash ug nakumpiskar usab nila ang usa ka cellphone unit nga gikatahong gigamit ni Mara alang sa pakig-contact sa mga potential nga customers niini.

Gibalhog sa detention cell sa Gun-ob Police Station 3 ang duha samtang gikostudiya na ang mga na-rescue   sa usa ka na non- government organization (NGO) nga eksperto sa pag-atiman sa mga trafficking victims.

Ang mga suspetsado mag-atubang og kaso human nakalapas sa  Republic Act (RA) 9208 o Anti-Trafficking in Persons Act of 2003 nga gi-amended sa RA 10634 or Expanded Anti-Trafficking in Persons Act of 2012. (BANAT NEWS)

WOMEN AND CHILDREN PROTECTION DESK

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with