^
P1.2M shabu nasakmit, pito nadakpan

P1.2M shabu nasakmit, pito nadakpan

Raymond D. Abarcas (Banat) - January 4, 2018 - 12:00am

CEBU, Philippines — Tulo ka mga gidudahang drug pushers apil ang usa ka babaye ang gidakop sa kapolisan sa operasyon alas 12 sa kaadlawon kagahapon diha sa Andres Abellana St., Guadalupe ning dakbayan sa Sugbo.

Ang mga suspek mao si Chitto "JR" Bayno, 30, taga dalan Colon, Mark Ratcho, 35, taga Lorega- San Miguel ug si Mary Angelie Espanillo, 21, residente sa Tisa sa Sugbo.

Ang tulo nadakpan human sa duha ka semana nga surveillance sa kapolisan human sila nakadawat og impormasyon kabahin sa ilegal drug trade sa tulo.

Giingon nga paingon mo-check in og hotel ang mga suspek apan nadakpan kini pinaagi og buy-bust operation nga gipangulohan sa hepe sa kapolisan sa Guadalupe nga si Senior Inspector Raymund Hortizuela.

Nasakmit gikan kanila ang 11 ka pakete sa shabu nga mobalor P1.2 milyones ug P5,000 nga gituohang halin sa shabu.

Matud ni Superintendent Artemio Ricabo, Deputy City Director sa Administration of Cebu City Police Office kini nga buy-bust operation usa sa dako nga accomplishment sa mga kapolisan sa Sugbo sa tuig 2017.  Sa pikas bahin, upat ka mga tawo , usa niini menor de edad ang nadakpan sa buy-bust operation sa kapulisan sa Toledo City Police Station diha sa Magsaysay Hills, Barangay Poblacion.

Ang mga dinakpan mao sila si Roland Espadilla 31, Ruel Espadilla 33, pulos taga Poblacion,  Sarah Sanchez, 36, taga barangay Ilihan ug usa ka 14-anyos nga babaye. Base sa imbestigasyon sa kapulisan nga usa ka Ronald Allan Espadilla alyas Idol, 35, maoy subject sa buy-bust. Apan nakamatikod kini ug nakadagan dala ang buy bust money nga P300.

Atol sa ginukdanay naaktuhan ang laing upat hinungdan nga gipangsikop ug nakuhaan og gagmay nga pakete sa gidudahang shabu ug drug sniffing paraphernalia.

Ang menor de edad nga nakuhaan og usa ka lighter ug aluminum tin foil nga gituohang gamit sa pagsuyop og shabu, gidala na sa City Social Welfare and Development CSWD. (Wayne Kysell Mercado ug Mark Roland Romas, USC ug USJR Interns (BANAT NEWS)

DRUGS SHABU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with