Rupinta “killers:” Dili mi guilty
CEBU, Philippines — “Not guilty.” Mao kini ang tubag nilang Jimmy Largo ug Jordan Gera, ang mga akusado sa pagpatay kang kanhi Ermita barangay kapitan Felecisimo ‘Imok’ Rupinta ug sa suway pagpatay sa kapuyo sa kapitan nga si Jocelyn Mendoza.
Ang duha gipresentahan sa ilang tagsa-tagsa ka mga abogado gibasahan sa ilang mga kasong pagpatay ug suway nga pagpatay, apan sila nihimakak sa mga pasangil batok kanila.
Si Rupinta, 63, ug Mendoza, 43, sakay sa Isuzu D-Max pick-up nga may plakang YGB -554 dihang gi-ambush niadtong Nobiyembre 23, 2017 sa Sitio Simborio, Barangay Yati sa Liloan.
Ang duha nadakpan sa buwag nga follow-up operations. Si Largo nadakpan diha sa Carbon Public Market samtang si Gera gidakop diha sa iyang balay sa Consolacion.
Ang duha kusganong mihimakak sa mga pasangil kanila. Ang pre-trial sa kaso sa duha himuon karong Marso 18, 2018 subay sa manifestation sa abogado ni Gera nga si Romeo Reyes kay matud pa niini sa korte dili pa siya andam kay bag-o pa niya gidawat ang kaso aron depensahan si Gera. (BANAT NEWS)
- Latest
