Misa sa 40-diyas ni Vidal gisugdan na

CEBU, Philippines — Gisugdan na kagahapon sa hapon ang mga misa requiem subay sa ika-40 ka adlaw sukad sa pagpanaw ni anhing Archbishop Emeritus Ricardo Cardinal Vidal.

Matud ni Msgr. Ruben Labajo, team moderator sa Cebu Metropolitan Cathedral nga aduna na sila’y nakahan-ay nga plano alang sa kalihukan sama sa matag adlaw nga misa hangtud sa petsa 27 sa Nobiyembre. Kagahapon ang District 2 nga gikan sa San Nicolas Parish padulong sa Dakbayan sa Naga maoy naka-schedule alang sa unang adlaw, ug sundan kini sa mga mosunod nga adlaw sa District 1 Cebu Metropolitan Cathedral ngadto sa Lapu-Lapu City, District 7 Near North, District 5 North West, District 6 Far North, District 3 South East, District 4 Southwest, Senior Clergy, Seminary Formation/Religious Priest ug sa petsa 27 sa alas kwatro sa hapon tanang kaparian ug layko ang gipaabot nga motambong sa Misa nga pagadumalahon ni Auxiliary Bishop Dennis Villarojo.

Gitug-an ni Labajo nga kung week-end, alas 5:30 sa hapon ang requiem mass samtang kung weekdays alas 5 sa hapon. (BANAT NEWS)