Nag-text dayon naghikog
CEBU, Philippines - Patay na nga napalgan ang lawas sa 27-anyos nga lalaki nga gituohang naghikog sa Sitio Sangi, Barangay Guadalupe, Dakbayan sa Carcar niadtong Miyerkules sa hapon.
Giila si Renald Celestial kinsa nigamit og pisi sa paghigot sa iyang liog hinungdan sa iyang kamatayon.
Matud ni Ricardo Celestial, 18, igsuon ni Renald, nga sa dihang nigawas siya sa balay nakita niya ang patay nga lawas sa iyang igsuon nga nagbitay na sulod sa iyang kwarto.
Problema sa pamilya ang gituohang hinungdan sa paghikog ni Renald base sa suicide message nga gibilin.
"Rick, c Ronvel ayaw pasagdae ha! Og ayaw ko ilubong kung di mo uli si ate Jovelyn di na nako kaya gud pasensya jud ninyong tanan dodong," matud sa suicide message pinaagi sa text ngadto sa igsuon.
Gidali pagdala ang lawas ni Renald sa Carcar Provincial Hospital apan gideklarar kini nga dead-on-arrival. (BANAT NEWS)
- Latest