Barangay kagawad natigbasan
CEBU, Philippines - Gitigbas sa 19-anyos nga lalaki ang barangay kagawad samtang nagmaneho og traysikol sa Barangay Casay, Dalaguete.
Ang biktima giila nga si Querico Ceballos Amaquiton, 39, kagawad sa Barangay Pañas, Dalaguete, samtang ang suspek giila nga si Jomar Archival Gonzaga, 19, taga Casay.
Matud ni SPO1 Rodrigo Teo nga namasada si Amaquiton dihang nakaagi siya sa gipuy-an ni Gonzaga kinsa kalit nipahunong sa biktima ug gitigbas gamit ang 25 pulgadas nga pinote.
Nakaangkon ang biktima og samad sa iyang ulo, liog ug tuong bukton.
Girespondehan mismo sa igsuon nga polis nga si PO2 Crispin Amaquiton kauban ang usa ka barangay tanod nga si Jose Randy hinungdan nga nasikop ang suspek ug gitanggong na sa prisohan aron pasakaan og kasong frustrated murder.
Giingong naglagot si Gonzaga tungod kay gipapahawa kini sa yuta nga gibantayan ni Querico.
Wala moangkon ang suspek sa pinote ug matud pa nidepensa lang siya kay giatangan siya sa kagawad. (BANAT NEWS)
- Latest
