Ang media ug ang netizens
Ni Bryner L. Diaz (Banat) - July 10, 2016 - 12:00am

CEBU, Philippines - Mas maayo pa gihapon ang kinaraang matang sa pagbalita itandi sa modernong pagsangyaw sa impormasyon gamit ang teknolohiya o ang internet sumala pa sa usa ka sikat ug beteranong tigbalita.

Si Howie Severino, sa GMA7 mipaambit sa pipila ka mga pamaagi sa responsableng pagsangyaw og mga impormasyon pinaagi sa social media.

Sumala pa sa beteranong broadcast journalist nga nahimong speaker sa seminar nga gipasiugdahan sa Metrobank Foundation ug Probe Media Foundation nga dako og kalainan ang mga journalists ug sa mga netizens.

Dugang pa ni Severino nga mas maayo g'yud ang kinaraang paagi sa pagpanukiduki bisan sa panahon karon.

Sa pagsulbong sa social media daghang mga impormasyon nga mitumaw apan lisod salaon kun asa niini nga mga impormasyon ang matuod ug unsa ang bakak.

Hinungdan nga nahuna-hunaan sa GMA7 online team ang pagbubat og mga "rules" sa ilang pagbalita nga makatabang usab sa mga netizens kun sundon nila kini. Nag-una na niini mao ang pagpakisusi kun unsa ka tinuod ang impormasyon sa dili pa kini i-post o i-repost diha sa social media.

Ikaduha, ayaw buhata sa social media ang mga butang dili nimo mabuhat kun anaa ka atubangan sa kadaghanan.

Ikatulo, kinahanglan nga hinumduman nga ang tanang gi-post o gi-upload ma-share ug makita sa tanan.

Ika-upat mao ang pag-angkon sa sayop, pagpapas o pagpangayo og pasaylo sa kasaypanan kun gikinahanglan.

Ug ang ika-lima mao ang dili pagbuhat og butang nga dili maayo sa pulong pa ni Severino "Don't do anything stupid."

“Kung kami (media) hindi ninyo na puwedeng pagkatiwalaan, sino na ang puwede ninyong pagkatiwalaan?” pangutana pa ni Severino sa mga netizens.

Matud pa ni Severino grabe kaayo ang kasikas karon diha sa social media apan kadaghanan pulos mga bakak, sayop ug makadaot sa isi’g ka tawo mao nga kinahanglang magpalahi gyud ug dili mosunod ang tradisyonal nga mga tigbalita.

Siya midugang nga karon panahon sa impormasyon, apan kadaghanan nagpasulabi ang sayop nga gipakatap nga impormasyon.

Matud pa ni Severino, ang hagit karon sa tradisyonal nga mga tigbalita mao ang paghimo o paghatud og mga maanindot, importante ug sakay sa panahon nga mga balita nga makapagana sa mga tawo.

Si Nancy Carvajal sa Philippine Daily Inquirer miingon nga ang netizens kinahanglan  usab nga manukiduki o mag-research kun unsa ka tinuod ang naa sa post sa social media.

Matud niya mas maayo nga basahon kadto lamang mga lehitimong websites sa mga lehitimong media outlets kay dili kini magbalita og walay basehan ug bakak.

Iyang giklaro nga ang pagka- journalist dili makuha pinaagi sa pag-post sa social networking sites.

Sumala pa ni Carvajal kabahin na sa trabaho sa usa ka journalist  ang disiplina sa pagberipika sa kamatuoran sa usa ka impormasyon una pa kini ipresentar ngadto sa katawhan. Ang mga journalist naporma sa maong propesyon dili sa usa lang ka pamilok o pag-post diha sa mga social networking sites, kondili, naporma kini pinaagi sa responsableng pagbalita ug pag-amping sa kredibilidad niini.

Tungod kay alang sa usa ka journalists ang kredibilidad dili na mabalik kun kini maguba ug kini posibleng mahitabo sa usa ka pamilok lamang.  (BANAT NEWS)

  

 

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with