Macho dancer gikulata ang kanhi uyab

CEBU, Philippines — Gidakop sa mga sakop sa Mabolo Police ang usa ka 23-anyos nga lalaking entertainer human giingong gihapak niya og cellphone sa ulo ang iyang kanhing uyab nga midumili sa iyang hangyo nga magkabalikay silang duha diha sa Holy Family Village, Barangay Banilad, dakbayan sa Sugbo.

Ang biktima nga giila sa alyas nga “Joana,” 26, nagdugo ang agtang human naangol sa maong insidente, samtang ang suspek giila sa alyas nga “Mark,” 23.

Base sa imbestigasyon, hubog nga suspek nga si ‘Mark’  sa boarding house sa biktima ug gipugos niya kini nga  pasakyon sa iyang motorsiklo.

Apan nagdumili ang babaye hinungdan nga nasuko ang suspek ug gihapak niya kini sa ulo og cellphone hinungdan sa pagkasamad niini. Ang duha nagtrabaho isip mga entertainer sa usa ka club ug nagbulag pipila na ka semana na ang nakalabay tungod kay magsige lang sila og away tungod sa pangabubho.

Ang suspek anaa na sa kustodiya sa Mabolo Police Station ug pasakaan og Violence Against Women and Their Children (VAWC).—  IBM BANAT NEWS