^

Banat Balita

Presyo sa karne hayan mosaka

Decemay P. Padilla/GMR - Banat

CEBU, Philippines - Hayan mosaka ang presyo sa karne’ng baboy ug manok sa higayon nga mograbe pa ang epekto sa El Niño sa mga mosunod nga mga buwan.

Kini ang napanglantawan sa Department of Agriculture-7 human ang PAGASA nipahibawo nga nalakip ang Sugbo ug Negros Oriental sa 29 ka probinsiya nga grabe unya nga maapektuhan sa huwaw.

Matud ni Dr. Raul Migriño, veterinarian sa DA-7, nga usa sa mga factors mao nga maapektuhan ang supply sa mais nga nag-una’ng lawog sa manok ug sangkap sa paghimo og feeds alang sa baboy.

Gawas niini, gitug-an ni Migriño nga apektado usab ang produksiyon sa livestock supplies tungod sa mga sakit nga sagad motakboy kun mograbe ang init sama sa heat ug respiratory diseases.

Dugang niya nga kung init kaayo ang panahon, apektado ang gana sa pagkaon sa mga baboy samtang taas usab ang mortality sa mga ihimugso nga baktin.

Awhag ni Migriño sa namuhi og mga hayupan nga kinahanglan dunay mainom nga tubig ang ila’ng mga binuhi aron malikay sa heat stroke ug mahinungdanon usab nga lig-on ang ila’ng immune system.

May program ang ahensiya nunot na sa El Niño sama sa pagpahigayon og information drive, training alang sa mga mag-uuma ug technicians, pagpangapod-apod og liso ug libre nga bakuna alang sa mga hayupan ug uban pa.

Samtang ang Department of Environment and Natural Resources-7 nangandam aron makalikay sa epekto sa El Niño, sigun ni Eddie Llamedo, tigpamaba sa ahensiya.

Mando ni DENR-7 Director Isabelo Montejo nga monitoron ang ila’ng National Greening Program (NGP) Plantations.

Panawagan sa ahensiya sa publiko ilabi na kadto’ng hilig kaayo og mountain trekking nga dili magpasagad sa ila’ng mga gamit nga mao’y hinungdan nga makamugna og sunog.

Giawhag usab nila ang kabarangayan nga moumol og community fire brigade aron makaresponde kun adunay forest fire nga mahitabo atol sa El Niño. (BANAT NEWS)

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with