Lapu-Lapu ug Mandaue nangandam sa pagsira sa MMB
(Banat) - February 5, 2016 - 9:00am

CEBU, Philippines - Aron mamenus ang epekto sa traffic nunot sa pag-repair sa Mactan-Mandaue Bridge, pahawanan sa City Traffic Management Systems sa Lapu-Lapu City ang kalsada sa Sitio Matumbo, Brgy. Pusok gikan sa mga magpataka og parking kilid sa karsada sugod karong Lunes.

Si Mario Napule, over-all supervisor sa CTMS nagkanayon nga sa ilang paglibot kagahapon, daghang mga sakyanan sila nga nakitang  giparking kilid sa maong dalan nga posibleng makabara unya sa mga sakyanan sugod karong Lunes. Ang maong dalan maoy gamitong diversion road sa mga sakyanan ini og sirado na unya sa usa ka lane sa maong taytayan.

Kadtong mga delivery vans o trucks nga maghatud og produkto sa mga establisamento sa maong dapit gimandoan nga mosayo paghatud sa ilang mga produkto tungod kay di sila tugotan nga makadiskarga niini diha sa maong dalan.

Ang dalan maoy magsilbing diversion road gikan sa Sitio New Sangi Road sa  Brgy. Pajo o kadtong mga sakyanan gikan sa eskina sa Mactan Benito Ebuen Air Base (Sitio New Sangi) padulong sa pikas eskina sa Airport Road (Sitio Matumbo) aron makatabang nga di maghuot ang dalan.

Kadtong mga sakyanan nga mo-park sa maong dapit isyuhan og citation tickets sa CTMS nga mag-deploy og 36 ka mga traffic enforcers sa lugar hangtud sa gabii.

Sa laing bahin sa Dakbayan sa Mandaue, kadto lamang mga sakyanan nga nisubay sa A. C. Cortes Avenue mao lamang ang paagion sa pikas lane sa maong taytayan sugod karong Lunes.

Si Roger Paller, Public Information Officer (PIO) sa maong dakbayan nga nahinabi sa Banat News kagahapon miingon nga kadtong gikan sa Lapu-Lapu adto ra gayud moagi sa Marcelo Fernan Bridge sa ilang pagbalik sa Mainland Cebu.

Ang gikan sa Lapu-Lapu adto moagi sa alternatibong mga dalan samtang nagpadayon usab ang road concreting sa dalan Plaridel ug dalan A. Soriano. (BANAT NEWS)

 

AIRPORT ROAD ANG BANAT NEWS BRGY CITY TRAFFIC MANAGEMENT SYSTEMS CORTES AVENUE DALAN MAONG MGA NGA SITIO MATUMBO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with