Mananahi sa uniporme sa polis imbestigaron
Jojo C. Ugdol/GMR (Banat) - February 2, 2016 - 9:00am

CEBU, Philippines - Susihon sa kapolisan ang gipatahian sa uniporme sa polis nga gisuot sa usa ka lalaki nga nadakpan.

Kini ang gitug-an ni Chief Supt. Manuel Gaerlan, direktor sa Police Regional Office-7.

Si Gaerlan niingon nga ila usab subayon ngano’ng wala gipangayoan og identification card sa tailoring ang suspek diha’ng kini nagpatahi og uniporme sa polis.

Sumala pa ni Gaerlan nga kung accredited man gani sa kapolisan ang mao’ng tailoring nga nahimutang sa dalan sa Sanciangko, hayan ila kini tangtangan sa accreditation.

Sa paghinabi sa mga tigbalita sa usa sa mga trabahante sa tailoring, kini niangkon nga wala nasayud nga pangitaan ba diay og ID ang magpatahi og uniporme.

Ang trabahante nidugang nga sa diha’ng nagpatahi ang mao’ng lalaki daan na kini nga nagduda nga dili kini polis kay nagsige ra daw og katawa apan ila ra gihapon kini nga gidawat.

Si Dojie Canindo, ulitawo, lumad nga taga Lungsod sa Sibonga ug kasamtangan nga nagpuyo sa Barangay Quiot, Dakbayan sa Sugbo, ang gidakop ni Police Officer 1 Boggart Sestoso Anor, nga nadestino sa Regional Public Safety Battalion-7.

Kini human nakit-i ni Anor nga nagsuot og uniporme sa polis nga wala’y name plate, badge ug nagdala pa og toy gun.

Samtang ang direktor sa Criminal Investigation and Detection Group-7, Senior Supt. Marlon Tayaba, nikompirmar usab sa mga tigbalita nga kanhi priso sa New Bilibid ang suspek sa kaso’ng pagpanglugos sa singko anyos nga babaye.

Tuig 2013 na kini nakagawas sa prisohan human nakadawat og parole.

Ang suspek niangkon hinuon nga kanhi siya priso apan nihimakak sa pasangil sa pagpanglugos.

Kini niingon nga tulo ka adlaw sa usa ka semana mo-report siya sa  Argao alang sa iya’ng parole.

Gipasakaan na og kaso’ng illegal use of uniform and insignia lakip na ang pagdala og replica sa pistol ang dinakpan. (BANAT NEWS)

ACIRC ANG BARANGAY QUIOT BOGGART SESTOSO ANOR CHIEF SUPT CRIMINAL INVESTIGATION AND DETECTION GROUP KINI MANUEL GAERLAN MARLON TAYABA NEW BILIBID NGA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with