Nisumbong ni Cardinal BO
Jean Marvette Demecillo/EIM (Banat) - January 28, 2016 - 9:00am

CEBU, Philippines - Nagpatabang ang mga kabatan-onan sa Brgy. Pasil sa Syudad sa Sugbo ni Papal Legate Charles Maung Cardinal Bo atol sa pagbisita niini kagahapong adlawa diha sa Don Bosco Youth Center.

Si Korina Tabay, 17, nangayo og tabang ni Cardinal Bo sa giingong dakong problema sa drugas ug kakabos sa ilang komunidad.

 Matud ni Tabay nga dako og ikatabang ang presensiya ni Cardinal Bo sa ilang komunidad nga napuno og problema.

“For us here in Pasil, life is hard and difficult, we have lesser opportunities compared to other young people. For some of us, we are bound with the influence of drugs, others lived in a very broken family, most of us lived in poverty,” sigon ni Tabay.

Nangayo siya og tabang ni Cardinal Bo aron masolusyonan ang ilang kalisod  karon.

Si Tabay ang usa sa mihatag og testimonya sa pagbisita ni Cardinal Bo diha sa maong institusyon kagahapon.

Human niyang pagpadayag nakahigayon kini og amin ug halok sa kamot sa representante sa Santo Papa alang sa 51st International Eucharistic Congress.

Matud niya nga mapasalamaton siya tungod kay nakahalok siya sa Cardinal ug dili niya kini ikabaylo og laing experience. “Dili gyud ko makalimot arong adlawa. Na-inspire ko’g maayo,” matud niya.

Samtang, malaumon si Fr. Jene Llenos kinsa in-charge sa mga kabataan diha sa Don Bosco Youth Center, nga ang pagbisita ni Cardinal Bo sa Pasil makahatag og inspirasyon sa mga residente.

“One of the impacts sa pag-visit niya kay ma-inspire mi kay usa siya sa ilado sa Myanmar nga mo-fight gyud sa social justice especially sa mga under privileged didto. Mao na ang usa sa makahatag og inspiration namo kay diri sa Pasil man gud daghan man kaayo ang mga under privileged diri especially kato sang mga batan-on nga na-influence sa drugas, mga broken families,” matud ni Llenos. Si Cardinal Bo sa iyang mensahe sa mga kabatan-onan ug sa mga mitambong kagahapon miingon nga angay gihapong magmalipayon ang tanan taliwala sa mga problema nga moabot sa kinabuhi.

Dugang niya nga dili angay basulon ang sitwasyon sa pagkapobre kay ang angay buhaton mao ang pagkugi sa tanan aron makab-ot kun unsay ilang damgo.

Iya usab giawhag ang tanan nga sundon ang gibuhat ni Don Bosco nga bisan unsa kalisod nilikay gyud pagpakasala. Matud pa ni Bo, mas maayo pa ang mamatay nungka nga magpakasala sa isi’g kaingon.

Human sa iyang mensahe, gihatagan siya og token of appreciation sa taga Don Bosco Youth Center nga usa ka Barong Tagalog.

Sa laing bahin, si Pasil Barangay Captain Julius Guioguio malipayon sa maong kalihukan kay matud niya nga dako kini og kahulogan sa ilang dapit tungod sa kadaghang lugar sa syudad, ang ilang barangay ang napilian sa representante ni Santo Papa.

Iyang giisip nga dunay milagrong nahitabo atol sa ilang pagpreparar sa ilang barangay sa maong pagbisita kay pwerte mang lapoka unta sa ilang lugar ilabi na nianang sayo sa buntag apan niuga ang kadalanan nga gilakwan ni Cardinal Bo sa pagkaudto. (BANAT NEWS)

ACIRC ANG CARDINAL CARDINAL BO DON BOSCO YOUTH CENTER ILANG MATUD MGA NGA PASIL SANTO PAPA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with