Hilanat wa katarug sa Top 1 sa dentistry exam
(Banat) - January 13, 2016 - 9:00am

CEBU, Philippines - Bisan pa man og adunay gipamati sa kalawasan, wala kini nakapaluya sa Top 1 sa Dentist Licensure Examination nga si Rosette Pagpaguitan nga lumad nga taga Bontoc, Southern Leyte.

Si Pagpaguitan nigradwar sa Southwestern University nga usa ka cum laude niadtong tuig 2015 ug anak sa mga retirado nga magtutudlo nga sila si Rogelio ug Alginia Pagpaguitan.

Matud ni Pagpaguitan nga nahinabi sa Banat News nga nikuha siya sa exams niadtong Disyembre 2 ug 4, ug Enero 7 ug 8 sa College of Holy Spirit Mendiola, Manila diin siya gihilantan.

Nag-review siya bali’g duha ka buwan sa Manila College of Dentistry ug gisunod dayon ang self review hangtud sa adlaw sa examinations.

Gibutyag ni Pagpaguitan nga lisud gyud ang maong exams ug siya nagtuo nga ang iyang naangkon nga kalampusan tungod sa iyang pag-ampo, pamilya ug kahigalaan.

Gihimong inspirasyon ni Pagpaguitan ang iyang pamilya, hinigugma kinsa nakapasar usab sa examinations sa dentistry ug ang Ginoo.

Usa sa nakadasig ni Pagpaguitan nga mosulod sa maong propesyon mao ang iyang kahadlok niadtong nag-edad siya og 6-anyos dihang ibtan unta siya sa ngipon.

Si Pagpaguitan kinamanghuran sa unom ka magsuon kinsa pulos mga medical professionals hinungdan nga nahimo niya kini nga inspirasyon.

Plano karon ni Pagpaguitan nga mag-associate una aron makatigum ug makapabarug og iyang klinika. (BANAT NEWS)

ALGINIA PAGPAGUITAN BANAT NEWS COLLEGE OF HOLY SPIRIT MENDIOLA DENTIST LICENSURE EXAMINATION MANILA COLLEGE OF DENTISTRY NGA PAGPAGUITAN ROSETTE PAGPAGUITAN SI PAGPAGUITAN SOUTHERN LEYTE SOUTHWESTERN UNIVERSITY
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with