^

Babaye gipatay samtang naninda og fruit shake

Jojo C. Ugdol/RUB (Banat) - January 10, 2016 - 9:00am

CEBU, Philippines - Patay diha-diha ang 47-anyos nga babaye human siya gipusil samtang naninda og fruit shake sulod sa ilang balay didto sa Sitio Romblon, Barangay Inayawan, dakbayan sa Sugbo kagahapon sa udto.

Si SPO2 Ruth Violango, imbestigador sa homicide section sa Cebu City Police Office (CCPO), miingon nga si Wilma Solon nakaangkon og usa ka samad pinusilan sa tuo nga bahin sa iyang lawas apan ang bala milapos.

Mga saksi mitug-an nga duha ka lalaki ang nagpalit og fruit shake sa biktima ug pagkataudtaod, milanog ang buto gikan sa armas.

Ang bana sa biktima nga diha ra sa sulod sa ilang balay dali unta nga mitabang sa iyang asawa apan namatay gyud kini diha sa iyang mga bukton. Ang mipusil sa biktima miikyas sakay sa usa ka motorsiklo.

Wala pa masayod ang kapolisan kun ngano nga gipatay man ang biktima, ilabi na nga usa kini ka babaye.

Sumala pa ni SPO2 Violango nga lisud tuohan nga “mistaken identity” ang hitabo kay udtong tutok nga gihimo ang krimen ug ang biktima ra usab ang gikaatubang sa gunman.

Kuwang og pagtuo ang kapolisan nga pagpanulis ang motibo kay wala man gikuha ang kinitaan sa biktima. Nagduda si SPO2 Violango nga wala mailhi sa maong dapit ang kriminal kay kursonada kini ug wala nagtaptap sa ilang mga nawong.

Nakit-an sa dapit nahitaboan ang usa ka “deformed” nga slug nga gituohang maoy nakapatay sa biktima. (BANAT NEWS)

 

ANG BARANGAY INAYAWAN BIKTIMA CEBU CITY POLICE OFFICE KUWANG MGA NGA RUTH VIOLANGO SITIO ROMBLON VIOLANGO WILMA SOLON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with