_banat
^

Banat Balita

‘Shabu tiange’ gironda, 12 sikop

Banat

CEBU, Philippines – Nasikop sa mga sakop sa Criminal Investigation and Detection Group-7 ang 12 ka gituohang drug pushers sa raid sa giilang "shabu tiange" sa Sitio Galaxy, Tanke, Siyudad sa Talisay kagahapon sa udto.

Ika-duha kini nga operasyon sa CIDG-7 ug Talisay City Police sa lugar diin ang shabu daw gipamaligya lang sama sa isda daplin sa karsada.

Ang grupo nila ni Supt. Fermin Armendarez III, deputy chief sa CIDG-7, ang nirumbo sa lugar human ilang nakompirmar nga namaligya ang ilang subject nga si Delmar Gasalatan Gaviola.

Nasikop si Gaviola human siya namaligya og shabu ngadto sa poseur-buyer.

Sunod nga nasikop sila si Richard Relampagos, Jeffrey Bullecer, Joven Engbino, Robert Singco, Darwin Bayadog, Lester Heruela, Wilmar Bacaldo, Ricky Galo, Danilo Pantaleon, Jessie Cabane ug Johnrey Saburdo.

Lakip nga target sa kapolisan mao ang ginganlan og Baka, Insik, ug Robot kinsa naka-ikyas sa mao’ng operasyon.

Ang mga nakaipsot nailhan sab nga mao’y mo-supply og shabu sa mga runner (parok) sa lugar.

Ang ubang nasikop naatlan sa drug den nga nahimutang lang duol sa barangay hall ug may lain pa sa may 200 metros ang gilay-on.

Nasakmit sa kapolisan ang 205 ka pakete sa gidudahang shabu ug binandol nga paraphernalia.

Apan ang tanang nasikop ang nihimakak sa pasangil ug nitug-an nga nagtambay lang sila sa lugar.

Si Armendarez nibana-bana sa kantidad sa shabu nga moabot sa P200,600.

"Ang report nga atong nadawat nga ladtaran kaayo ang baligyaay og shabu," matud ni Armendarez.

Siya nagkanayon nga nilurang ang pagpamaligya og shabu sa maong lugar human sa ilang pagpangronda sa katapusang quarter sa niaging tuig apan nibalik kini hinungdan sab sa ilang pagbalik og pagpangronda.

Ang mga nasikop ang gitanggong karon sa prisohan sa CIDG-7 samtang gipaabot nga mapasakaan og kaso.

Samtang na-rescue sa kapolisan ang upat ka minor, tulo niini babaye, atol sa pagkasikop sa duha ka suspetsadong drug pushers sa usa ka buy-bust operation sa niaging hapon sa Dapitan, Lungsod sa Cordova.

Ang nasikop mao sila si Eduardo Gualin ug si Roland Ligan.

Dihang gidakop ang duha, nakakita ang mga polis og upat ka bata sulod sa balay ni Gualin hinungdan nga ila kini’ng gi-rescue ug gihandos sa Municipal Social Welfare and Development Office.

Sa probinsiya, nadakpan sa buy-bust operation sa kapolisan sa Lungsod sa Carmen ug Borbon ang tulo ka gikatahapang pushers.

Si Police Officer 1 Raffy Tejares sa Borbon Police Station niila sa nadakpan nga si Abeth Mondeñedo Suson, 29-anyos, dalaga nga nagpuyo sa maong dapit kinsa nasakmitan og pito ka gagmay nga pakete ug duha ka timbangan, gunting, lighter ug galamiton sa pagsuyop.

Sa Pasil, Barangay Cogon East, Lungsod sa Carmen, alas 3 pasado sa hapon niadtong Biyernes nadakpan ang managkapuyo nga sila si Warren Matugas Camansi, 26, ug Claire Dehayco, 23, pulos nagpuyo sa maong dapit.

Nasakmit sa kapolisan ang duha ka paketeng shabu ug drug paraphernalia. (/GMR)

 (BANAT NEWS)

ABETH MONDE ANG BARANGAY COGON EAST BORBON POLICE STATION CLAIRE DEHAYCO CRIMINAL INVESTIGATION AND DETECTION GROUP DANILO PANTALEON DARWIN BAYADOG LUNGSOD NGA SHABU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with