Nagisian sa doktor nidangop sa DOH-7
(Banat) - November 23, 2015 - 9:00am

CEBU, Philippines – Pormal na nga midangop sa Department of Health (DOH)-7 ang 23-anyos nga inahan, kansang pantog naapil pagkahiwa atol sa iyang Caesarian Section operation sa pagpanganak niini sa Vicente Sotto Memorial Medical Center (VSMMC)) niadtong Nobiyembre 6.

Sayo niini, una nang mikatap sa Facebook Account sa usa ka Red Tamura ang video diin gisaway ang VSMMC tungod sa nahitabo sa iyang ig-agaw nga daw sama sa ‘gipraktisan’ lang sa doktor nga niopera niini.

Kagahapong adlawa, ang reklamante nga si Jermelyn Bactismo, uban sa iyang kapuyo nga si Leonard Parantar, taga Barangay Pitalo, Lungsod sa San Fernando miduso sa ilang letter of complaint ngadto sa buhatan sa DOH-7. Ang duha mipasangil sa mga doktor sa VSMMC nga wala magtagad kang Bactismo human sa operasyon niini.

Sila pa hinuoy buot pagastuhon sa maong doktor alang sa pagpatan-aw sa nahiwa niyang pantog ngadto sa pribadong tambalanan nga wala man silay kwarta. Gusto ni Bactismo nga manubag ang doktor sa obligasyon niini kaniya hangtud nga siya maayo.

Ang duha gitabangan ni 1st District Congressman Gerard Anthony ‘Samsam’ Gullas nga maoy miabaga sa iyang pagpa-laboratory sama sa cystogram ngadto sa Chong Hua Hospital. Ang maong proseso mao ang pagtino kun wala na bay leak sa iyang pantog nga nagisian sa doktor nga nag-opera kaniya.

Hangtud sa pagsang-at nila sa reklamo, wala pa gihapon motubag ang VSMMC sa ilang reklamo. Ang duha mipadayag nga ilang ipadayon ang ilang reklamo tungod sa ilang pagpasagad sa ilang trabaho nga nakahatag kanila karon og grabeng kahasol ug kasakit. – /EIM) (BANAT NEWS)

ANG BACTISMO BARANGAY PITALO CAESARIAN SECTION CHONG HUA HOSPITAL DEPARTMENT OF HEALTH DISTRICT CONGRESSMAN GERARD ANTHONY FACEBOOK ACCOUNT JERMELYN BACTISMO LEONARD PARANTAR NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with