Masuso gikawat
Jojo C. Ugdol (Banat) - November 9, 2015 - 9:00am

CEBU, Philippines - Nagpakitabang sa Criminal Investigation and Detection Group-7 ang usa ka 31 anyos nga inahan human nga gikawat sa usa ka babaye ang iyang tulo pa lang ka bulan nga anak samtang siya nagtinda diha sa South Bus Terminal pasado alas 2 sa hapon niadtong petsa 2 ning bulana.

Ang inahan nga si Maricel Enriquez, vendor sa maong dapit nga nahinabi sa nga tigbalita miingon nga miduol na siya sa Carbon Police Station apan wa siya matagbaw sa ilang serbisyo maong miduol siya sa CIDG-7.

Sumala pa ni Enriquez, naninda siya og candy sa sulod sa terminal dihang usa ka hamtong nga babaye nga nagdala og bag ang miduol kaniya ug namarayeg nga magpabutang sa bag niini samtang nagpaabot sa iyang bana nga konduktor sa Ceres bus.

Samtang nagpaabot, nagsige sila og estoryahanay sa maong babaye hangtud nga mihangyo ang babaye nga kugoson ang iyang anak nga si Lady love kay hilig kini og bata.

Gumikan kay nagtuo ang inahan nga maayong tawo ang babaye, iyang gipakugos ang iyang anak samtang sila nag-estoryahanay.

Apan nianang pagka-alas 6 na sa hapon midagsa na ang mga pasahero sa terminal tungod kay adlaw man sa mga Santos ug nidaghan na usab ang namalit sa iyang baligya ug na-busy siya pag-atiman kanila.

Sunod niyang paglingi, nahanaw na ang babaye dala ang iyang anak hinungdan nga iyaha kining gipangita og maayo sa palibot apan wala na niya kini igkita.

Aduna untay nakuhang footage sa closed-circuit television camera apan hanap ug dili klaro ang hulagway sa babaye.

Ang bag nga gibilin sa babaye adunay make up kit, mga notebook, pitaka nga walay sulod ug wala’y bisan usa ka I.D. apan adunay resibo sa usa ka remittance center nga adunay nakabutang nga pangalan sa usa ka babaye.

Apan sa pakighinabi sa Banat News sa desk officer sa Carbon Police nga si Police Officer 1 Dennis Ornopia kinsa maoy ni-blotter sa reklamo miingon nga nagduda kini sa pamahayag sa inahan sa bata. Ang maong babaye matud niya adunay duha ka mga pag-umangkong mga minor de edad nga notadong mangunguot diha sa maong terminal.

Nagduda si Ornopia nga ang bag nga gibilin sa babaye maoy gikursonadahan ni Enriquez ug misugot kini nga ipakugos ang iyang anak, apan sa dihang nawala na sa iyang panan-aw ang babaye ug wa siyay napuslan sulod sa bag didto na kini mireklamo.

“Ug tarong ka nga inahan bisan og malayo sa imoha ang imong anak bisan usa lang ka dupa unya ang nagdala dili nimo kaila, gukoron nimo uy, imposible kaayo nga na-busy siya sa iyang kostumer, anak gud nimo na, mosugot ka nga mawala sa imong panan-aw?” matud pa ni Ornopia.

Ang bata nga nawala maoy ikalima nga anak ni Enriquez.  Apan bisan pa man sa ilang pagduda, ila dayong giadto ang terminal apan wala na nila nakita ang giingong babaye nga midala sa bata, wala usab diha ang operator sa CCTV maong ilaha na lang gitugon si Enriquez nga pabalikon sa ilang buhatan ug magdala og kopya sa footage apan wala na mobalik ang ginang.

Si Senior Inspector Delfin Bontuyan sa CIDG-7 miingon nga plano nila nga adtoon ang naasoy nga remittance center sa pamasin nga duna kini hulagway didto ug makomparar sa babaye nga mikuha sa bata. (/EIM)(BANAT NEWS)

ANAK ANG APAN BABAYE BANAT NEWS CARBON POLICE CARBON POLICE STATION CRIMINAL INVESTIGATION AND DETECTION GROUP ENRIQUEZ IYANG NGA
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with