_banat
^

Treasurer’s office gilungkab, wa’y kwarta

Bryner L. Diaz (Banat) - October 20, 2015 - 10:00am

CEBU, Philippines – Gilungkab sa wala pa mailhi’ng tawo ang Treasurer’s Office sa munisipyo sa lungsod sa Alegria nga nadiskubrehan pasado alas 7 sa buntag niadto’ng Lunes. Apan wala’y swerte ang kwatan kay bisan peso wala’y nakuha sumala pa sa kapolisan.

Si SPO2 Join Caballero, desk officer, nga nahinabi sa Banat News niingon nga si Niza Cuevas, 24, municipal treasurer, nakugang kay sa iya’ng pag-abot sa iya’ng opisina niadto’ng Lunes sa buntag nabantayan niya nga gilungkab ang vault sa opisina.

Hinungdan nga ni-report siya sa Alegria Police Station aron ma-imbestigar.

Sumala pa ni Caballero nga si SPO2 Lenard Francis Cabahug, imbestigador, ug ang ila’ng hepe nga si Senior Inspector Reynaldo Geolin niresponde sa mao’ng alarma.

Base sa imbestigasyon nasuta nga ang pultahan sa dili pa maabot sa opisina sa treasurer giguba ang lock ug ang opisina gyud sa buhatan sa tresurera ang giguba sab.

Diha’ng nakasulod na ang kawatan iya’ng gisuwayan og guba ang vault apan wa gyud niya naabli. Nisulod sab sa opisina ni Jose Wilson Patriarca, 53, disbursing officer, ug gipangkay-ag ang mga butang apan wala’y nakuha bisan peso.

Matud ni Caballero nga nitawag og panabang sa Regional Crime Laboratory-7 aron makuhaan og forensic evidence ang mao’ng buhatan.

May mga finger prints nga nakuha ang polis ug ila sab nga gikuhaan og finger prints ang mga trabahante sa treasurer’s office aron mawagtang ang pagduda nga usa nila ang nilungkab sa mao’ng buhatan.

Matud niya nga nagduda ang imbestigador nga nikuyog sa nagparehistro sa Comelec ang suspek sanglit niadto’ng Domingo niabot sila og alas 8 sa gabii usa nahuman.

Posible nga nitago sa stockroom ug diha’ng naka-uli na ang mga trabahante sa Comelec didto na kini niigo. Nagduda ang mga polis nga nigawas ang suspek human nga naablihan na ang munisipyo kay wala ma’y timailhan sa forcible exit. – /GMR) (BANAT NEWS)

ACIRC ALEGRIA POLICE STATION ANG BANAT NEWS COMELEC JOIN CABALLERO JOSE WILSON PATRIARCA LENARD FRANCIS CABAHUG MATUD NGA NIZA CUEVAS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with