Clearing operation nagkaguliyang
Decemay P. Padilla (Banat) - September 21, 2015 - 10:00am

CEBU, Philippines – Ang mga gipangtukod pagbalik nga panimalay daplin sa Mahiga Creek dapit sa Sitio Mahusay, Subangdaku, Mandaue naguba g’yud bisan sa pagpangisog sa mga tag-iya.

Bisan pa man sa hulga sa mga molupyo sa Sitio Mahusay nga makigpatay sila aron lang dili maguba pagbalik ang ilang mga gipangtukod nga mga balay, wala kini makapalisang sa mga sakop sa demolition team.

Dunay grupo sa kababayen-an ang gipaon sa gatusan ka lumolupyo aron dili makasulod ang demolition team ug dili maguba ang gitukod nila nga mga payag.

Si Edmund Maboloc, team lider sa demolition team sa kagamhanan sa dakbayan sa Mandaue nagkanayon, nga niadtong Huwebes nila gisugdan ang clearing operation sa lugar apan naundang human ang mga residente nihangyo ni Vice Mayor Glenn Bercede. Ang mga hingtungdan nga lumolupyo gihatagan kutob kagahapon sa buntag aron makapanghipos apan imbes nga malinawon nga mapahigayon ang clearing operation, nagubot ang mao nga kalihukan.

Ang mga lumolupyo mipasabot nga dili sila mopahawa kay wala sila’y tukma nga dapit nga kabalhinan nga gitanyag kanila.

Wala sila makagusto sa Paknaan relocation site kay ilang gihulagway nga mas kuyaw kini kay sa ilang nahimutangan duol sa Mahiga creek.

Dugang nila nga reklamo nga daghan kanila wala malista isip benepisyaryo sa Paknaan Relocation Site.

Apan bisan pa man sa kagubot nga mitumaw, nagma-lampuson gihapon ang demolition team sa ilang pagpahigayon sa clearing operation.

Naglaom ang mga sakop sa demolition team nga dili na mobalik sa pagtukod sa ilang mga payag ang nahibiling pamilya human sa clearing operation.

Ang pagguba sa kabalayan kabahin sa pagbalik sa 3-meter easement gikan sa tampi sa sapa. – /RUB) (BANAT NEWS)

ANG APAN BISAN MAHIGA CREEK MANDAUE MGA NGA PAKNAAN RELOCATION SITE SI EDMUND MABOLOC SITIO MAHUSAY VICE MAYOR GLENN BERCEDE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with