Gipuy-an sa mga libud-suroy bantayan
Ma. Fatima R. Secuya (Banat) - September 13, 2015 - 10:00am

CEBU, Philippines – Butangan na og mga polis ang taytayan sa Mabolo ug Banilad, dakbayan sa Sugbo aron maseguro nga dili na mobalik ang kabataang libud-suroy nga na-rescue niadto’ng nilabay’ng kagabhion.

Matud ni Senior Superintendent Marciano Batiancela Jr., ang acting director sa Cebu City Police Office, kini ang mando ni Bise Mayor Edgardo Labella kinsa mao’y nangulo sa operasyon sa mga libud-suroy nga kabataan.

Pabutangan og duha ka polis dapit sa Mahiga Creek sa Mabolo ug sa tulay dapit sa Banilad diin kasagaran mag-istambay ang kabataan nga libud-suroy.

“Permanente na na nga naa diha dapita. Og mag-ulan man gani, mag-roving patrol pud para mabantayan gihapon diha,” sigun ni Batiancela.

Niadto’ng Biyernes niabot sa 48 ka libud-suroy nga kabataan, apil ang 14 ka dalagita ang na-rescue sa mga polis ug mga kawani sa Cebu City Hall gikan sa gipuy-an nila ilawom sa tulay sa Mabolo ug Banilad.

Uban kanila nalambigit sa pagpangawat kay adunay mga butang nga kinawat nga nakuha gikan kanila sama sa mga ATM cards, pitaka ug mga hait nga hinagiban.

Gikompirmar ni Batiancela nga sagad gyud sa krimen nga buhaton sa kabataan sa kadalanan mao ang pagpanglabni ug pagpanulis.

Matud niya nga buhaton lang gyud nila ang ila’ng responsibilidad nga mao ang pagmentinar sa kahapsay ug kalinaw sa dakbayan ug moabag gyud sila sa Department of Social Welfare and Services nga mao’y nangulo sa kaayuhan sa kabataan.

Si Batiancela nagplano nga padak-an ang ila’ng programa nga Foster Parents Program diin sila’ng kapolisan motabang sa pagpa-eskwela sa mga libud-suroy nga kabataan sa tulay sa Mambaling. – /GMR) (BANAT NEWS)

ACIRC ANG BATIANCELA BISE MAYOR EDGARDO LABELLA CEBU CITY HALL CEBU CITY POLICE OFFICE DEPARTMENT OF SOCIAL WELFARE AND SERVICES FOSTER PARENTS PROGRAM MAHIGA CREEK MGA NGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with