Problemado sa pamilya naghikog

CEBU, Philippines – Napalgan nga nagbitay ug wala na’y kinabuhi ang 22-anyos nga lalaki sa sitio Maraat Daku, barangay Matab-ang, dakbayan sa Toledo. Si Albert dela Rama Macapinig ang napalgan sa kapuyo nga nagbitay sulod sa ila’ng panimalay gamit ang naylon nga pisi.

Sila si SPO1 Johnard Luyao ug PO3 Renato Honoridez, sakop sa Matab-ang Police Sub-station, ang niresponde sa panghitabo.

Base sa imbestigasyon nga upat na ka higayun nga nisuway sa paghikog ang lalaki. Nasayran nga problema sa pamilya ang hinungdan sa paghikog sa biktima.

Padayun pa’ng giimbestigar sa kapolisan ang mao’ng hitabo sa pagsuta kun wala ba’y foul play sa kamatayun sa lalaki. – /GMR) (BANAT NEWS)