Gikan Munti’ na-buy-bust
CEBU, Philippines – Lain na usab ex-convict gikan sa Muntinlupa ang nadakpan sa mga sakop sa Regional Special Operations Group (RSOG) sa Purok Adelfa, Barangay Looc dakbayan sa Lapu-Lapu.
Usa ka joint buy-bust operation ang gihimo sa RSOG-7 kauban ang City Intelligence Branch sa Lapu-Lapu City Police Office diha sa maong lugar batok kang Danielito Villarta, 42.
Si Villarta giingong napriso na kaniadto ug naserbisyohan ang silot sa New Bilibid Prisons sa Muntinlupa, residente kini sa Barangay Lorega, Cebu City apan nagpuyo sa Barangay Looc diin siya gikatahong nagbaligya og shabu.
Si Police Senior Inspector Romel Burlat, hepe sa RSOG-7 maoy nangulo sa maong operasyon Lunes sa gabii.
Onse ka gagmay’ng pakete sa shabu, duha ka medium pack ug usa ka large pack sa ginadiling drugas ang nasakmit kaniya.
Sa adlaw nadakpan usab ang laing kanhi priso sa Muntinlupa nga si Arman Jaca nga nakuhaan og P2 milyones nga kantidad sa shabu diha sa Barangay Calamba, Cebu City. /EIM) (BANAT NEWS)
- Latest
