Maestro gipusil sa estudyante
Jojo C. Ugdol/EIM (Banat) - February 27, 2015 - 12:00am

CEBU, Philippines - Nalandig sa tambalanan ang usa ka maestro sa high school human gipusil sa iyang estudyante diha sa lungsod sa Tabuelan pasado alas- 12 kagahapon sa udto.

Giila ang biktima nga si Geronimo Maano Flores, 43, 4th year high school teacher sa Pamplona National High School  ug nagpuyo sa Barangay Poblacion sa maong lungsod.

Samtang gipangita karon ang suspetsado nga si Elmer Arcillas, 22, taga Sitio Guiwanon, Poblacion sa susamang lungsod.

Matud pa ni Police Officer 1 Ver Hortelano, desk officer sa Tabuelan Police nga nahinabi sa Banat News, gikan naniudto ang biktima ug sa iyang pagbalik paingon sa tunghaan gipusil kini sa suspek.

Sumala pa ni Hortelano nga kaupat gipusil ang biktima apan sa unang pagpusil wala kini maigo ug ikaduhang pagpusil naigo kini sa iyang dapidapi dayon natumba.

Tiwasan pa unta kini apan mikagar na ang armas  hinungdan nga mikaratel og dagan ang suspek. Dali nga gidala sa Tuburan District Hospital ang biktima.

Sa imbestigasyon sa kapulisan, nasuko ang maong estudyante sa maestro human nga gipatawag sa tunghaan ang iyang guardian kay magsige kini og absent ug kun moeskuyla pirme kining late. (BANAT NEWS)

 

BANAT NEWS BARANGAY POBLACION ELMER ARCILLAS GERONIMO MAANO FLORES PAMPLONA NATIONAL HIGH SCHOOL POLICE OFFICER SITIO GUIWANON TABUELAN POLICE TUBURAN DISTRICT HOSPITAL
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with