^

Gisusi pa kung tipos ba

Brenda Batuto (Banat) - February 26, 2015 - 12:00am

CEBU, Philippines - Gipahigayun sa Provincial Health Office (PHO) ang confirmatory test kung tipos ba gyud ang namatyan sa duha ka tawo sa lungsod sa Pinamungajan.

Ang hepe sa PHO nga si Dr. Cynthia Genosolango nagkanayun nga wala pa sila nahuman sa ilang confirmatory testing.

Gibutyag ni Genosolango nga nadawat nila ang report sa maong insidente niadto lang Lunes ug pagka-Martes nisusi dayun sa lugar ang staff sa Rural Health Unit (RHU) lakip ang Provincial Epidemiologic and Surveillance Unit (PESU).

Matud ni Genosolango nga wala pa sila makakuha og specimen sa mga biktima gikan sa tambalanan sa lungsod.

Gipasabot ni Genosolango nga sulod sa usa ka semana makita na sa dugo ug sa hugaw sa biktima ang “salmonella typhosa” o kagaw sa tipos.

Ang PHO mosusi usab sa Vicente Sotto Memorial Medical Center kung duna ba’y nakuha’ng specimen sa namatay nga biktima aron masuta kung tipos ba gyud ang namatyan niini.

Dugang ni Genosolango nga naalarma sila sa maong insidente tungod sa gidaghanon sa mga biktima.

Napulo ka tawo lakip na ang duha ka namatay ang giingo’ng nabiktima sa tipos sa nahisgutang lungsod.

Nasuta nga ang tubig gikan sa spring box o tinubdan sa tubig sa lugar positibo sa “fecal coliform” ug “e-coli bacteria” o kagaw gikan sa hugaw sa tawo ug mananap. (BANAT NEWS)

DR. CYNTHIA GENOSOLANGO DUGANG GENOSOLANGO GIBUTYAG PROVINCIAL EPIDEMIOLOGIC AND SURVEILLANCE UNIT PROVINCIAL HEALTH OFFICE RURAL HEALTH UNIT VICENTE SOTTO MEMORIAL MEDICAL CENTER
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with