Cash assistance sa seniors kutob lang karong adlawa
CEBU, Philippines – Kutob ra karong adlawa ang pagpanghatag sa financial assistance sa mga senior citizen sa mga barangay hall inay nga hatagan sila og 15 ka adlaw aron makuha ang ilang kwarta.
Karong adlawa (Martes) adunay imuntar nga tent sa City Hall aron ihatag ang mga cash assistance nga tag P3 mil niadtong wala makakuha sa barangay.
Ang dakbayan sa Sugbo adunay 60,000 ka rehistradong senior citizen gikan sa 80 ka barangay.
Matud ni Diwa Cuevas nga kutob ra ugmang adlawa ang pagpanghatag sa maong financial assistance kay masirado na ang book of accounts sa dakbayan.
Samtang nagkagubot ang pagpang-apud sa cash assistance sa Mabolo human nga dunay nagdoble ang nagpalista. Giingong dunay naglista sa sulod ug duna say naglista sa gawas hinungdan nga nasapaw na hinuon.
Samtang si Konsehal Elmer Cui sa Mabolo mitug-an sa Banat News nga usa sa gikagubtan mao ang pirma sa mga konsehal nga maoy giisip validation sa pagkuha sa ilang cash assistance.
Hinuon napadayon gihapon ang maong distribusyon ug nahatag ang maong kwarta.
Tungod sa kalibog, wala padayona ang distribusyon ug gihusay una kini ni Cuevas. – /EIM) (BANAT NEWS)
- Latest