^

Bata nabitik namatay

Jojo C. Ugdol/RUB (Banat) - December 18, 2014 - 12:00am

CEBU, Philippines - Usa ka 6-anyos nga bata’ng lalaki namatay human mabitik ang iyang liog sa pisi samtang nagduyan-duyan didto sa Sitio Ibabao, Barangay Perelos, Carcar kaniadto’ng Martes sa hapon.

Ang biktima giila nga si Enerdeve Rural, usa ka kinder pupil ug nagpuyo sa maong lugar.

Matud pa ni PO1 Francisco Saberon sa Carcar City Police Station nga ang bata uban sa iyang mga higala kanunay g’yud magdula-dula sa maong duyan ilawom sa kamanggahan, ilabina kun wala kini klase. Apan niadtong higayona ang bata nag-inusara lang nga miadto sa maong lugar nga distansiya ‘sab gikan sa ilang balay.

Gipasabot pa ni Saberon nga ang mao nga dapit sagad adtuon sa mga bata kay gawas nga duna’y daku nga hawan landong sab kini kaayo ug bugnaw bisan sa panahon sa udto.

Apan usa ka Neneng Bacus nga nagpuyo sa maong lugar ug nanugway sa iyang mga binuhi nga baka maoy una’ng nakabantay sa bata nga nabitik o nalambod na ang liog sa pisi sa duyan ug wala na naglihok.

Si Bacus dali nga nangayo’g tabang sa ilang mga silingan aron unta madala sa ospital ang bata apan nakabsan na gayud kini sa kinabuhi.

Sigun pa ni PO1 Saberon nga posibleng dugay nga natabang ug wala dayon makit-i ang bata kay ang mga tawo sagad mangatulog panahon sa udto.

Ang kapolisan nagduda nga posible’ng atol sa pagduyan-duyan ug pagdula-dula sa bata aksidente kini’ng nalambod sa pisi ang iyang liog ug natuok hangtud namatay.

Ang kapolisan wala sa’y nakita nga timailhan nga gituyo pagpatay ang bata samtang ang mga pamilya sa biktima nagtuo g’yud nga aksidente ra ang hitabo. (BANAT NEWS)

APAN BARANGAY PERELOS BATA CARCAR CITY POLICE STATION ENERDEVE RURAL FRANCISCO SABERON NENENG BACUS SABERON
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with