_banat
^

Banat Balita

Rama ug konsehales ipasuspenso

Jean Marvette Demecillo, EIM - Banat

CEBU, Philippines - Ang abogado nga mipasaka og kasong administratiba batok sa mga kadagkoan sa dakbayan sa Sugbo mihangyo sa Office of the President nga ipaubos sa unom ka buwang preventive suspension ang nahisgutang mga opisyal.

Si Atty. Reymelio Delute kinsa mihatag og kompletong kopya sa iyang reklamo sa Banat News kagahapon nagkanayon nga  “ilegal” ang pagtugot sa paghatag og P20 mil isip calamity assistance sa 4, 200 ka mga opisyales ug empleyado sa City Hall.

Kini tungod kay wala maapektohi sa kusog nga linog ug bagyo sa Central Visayas sa miaging tuig ang dakbayan. Ang buot niyang masuspenso mao silang Mayor Michael Rama, Bise Mayor Edgardo Labella; ug mga konsehal nga silang Nestor Archival Sr., Mary Ann delos Santos, David Tumulak, Nendell Hanz Abella, Sisinio Andales, Alvin Arcilla, Roberto Cabarrubias, Ma. Nida Cabrera, Gerardo Carillo, Alvin Dizon, Eugenio Gabuya Jr., ug Noel Eleuterio Wenceslao.

Ang mga konsehal nga wala maapil mao sila  si Margarita Osmeña, Leah Japson, James Cuenco, Richie Osmeña, ug ang bag-ong lingkod nga si Phillip Zafra. Kahinumduman nga gikwestyon ni Labella si Delute nganong giapil si Delos Santos nga sa iyang gipakita nga kopya sa minutes sa ilang regular session niadtong Disyembre 18, absent man kini uban ni Cuenco. Matud ni Labella, ang budget ordinance atong adlawa “carried unanimously” o giuyonan sa tanan.

Apan  sa gipakita ni Delute sa Banat News  nga “certified” nga kopya sa special session niadtong Disyembre 19, si Cuenco lang ang absent niini. Matud sa maong kopya, “carried” ang maong budget ordinance ug si Margarita Osmeña mi “abstain” samtang sila si Japson ug Richie Osmeña “were out.”

Gikwestyon ni Labella kun nganong naapil iyang pangalan nga wala man siya mibotar sa maong ordinansa ug igo lang siyang nangulo sa maong session. 

Samtang, magpahigayon ang mga opisyales sa ilang ikaduhang case conference karong Martes aron mapangan-daman ang ilang mga tubag sa maong reklamo.  (BANAT NEWS)

ALVIN ARCILLA ALVIN DIZON BANAT NEWS BISE MAYOR EDGARDO LABELLA CENTRAL VISAYAS MARGARITA OSME RICHIE OSME
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with