Gipusil patay duol sa Pasil may pending nga kaso sa illegal drugs
CEBU, Philippines - Patay ang usa ka lalaki human kini gipusil sa nagsakay og motorsiklo sa miaging gabii diha sa Belgium Street, Sitio Wakwak, Barangay Suba ning dakbayan sa Sugbo.
Ang biktima giila nga usa ka Rusty Debalucos, alyas “Etingâ€, dunay ka live-in partner, walay trabaho ug nagpuyo ra sab sa maong lugar.
Matud pa ni SPO1 Ruth Violango, imbestigador sa Homicide Section sa Cebu City Police Office, nga samtang nagbarog ang biktima daplin sa karsada kalit lang usa ka motorsiklo nga dunay duha ka sakay ang mihunong ug mipusil sa biktima.
Daling gidala sa mga mirespondeng polis sa San Nicolas Police Station ang biktima ngadto sa Cebu City Medical Center (CCMC) apan nakabsan kini sa iyang kinabuhi.
Si Violango nagkanayon nga wala nila gipadaplin ang posibilidad nga ilegal nga drugas ang hinungdan sa maong pagpatay kay dunay pending nga kaso sa drugas ang biktima.
Nakuha sa kapulisan sa crime scene ang duha ka empty shell sa kalibre .45 pistol ug duha ka slugs. Wa pa mailhi kun si kinsa ang mamumuno niini. (/EIM)(BANAT NEWS)
- Latest
