Mga bandira i-half mast karon
CEBU, Philippines - Miawhag si Presidente Benigno ‘Noynoy’ Aquino III sa tanang institusyon, gobyerno man o pribado nga ibutang sa half mast ang bandila sa Pilipinas isip pagtimaan sa sumad sa kamatayon ni Dr. Jose Rizal karon, Disyembre 30.
“Sa paghahanda ng bansa sa paggunita sa pagkamartir ni Dr. Jose P. Rizal sa Disyembre 30, hinihiling namin sa ating mga kababayan na alalahanin ang dakilang pamana niya sa ating lahi. Ang paggunita sa Araw ni Rizal sa taong ito ay natapat sa ika-100 taon ng Bantayog ni Rizal na puntod at sagisag ng kagitingan at kahandaang mag-alay ng buhay para sa bayan,†matud pa ni Deputy Presidential Spokesperson Abigail Valte.
Gipahinumdom usab ni Valte nga ubos sa Republic Act 229, hugot nga gidili ang tari o sabong, lumba sa kabayo ug jai alai matag Disyembre 30.
Ang molapas sa maong balaod silotan sa pagkabilanggo o multahan o ang duha ka silot maoy ipahamtang .
Isip amot sa Presidential Communications Development and Strategic Planning Office sa pagsaulog sa Araw ni Rizal 2013, gilusad ang usa ka espesyal nga pahina bahin sa Bantayog ni Rizal diin masayran ang mga nahisuwat niini, ingon man ang archival photo galleries, architectural retrospect ug contextual maps nga nagpunting sa kasaysayan sa maong hulagway.
Dinhi masayran usab ang kasaysayan sa Bagumbayan, ang usa ka lugar nga gipanalanginan , yuta nga may mahinungdanong bahin sa kasaysayan sa Kaugalingnan sa Pilipinas, matud pa ni Valte.
Mabasa usab niini ang bugtong nga panid sa unang higayon ang kahulogan sa gipahayag sa “The Tagalog Hamlet,†nga gisuwat ni Miguel de Unamuno.
Usa sa labing una nga kasayoran bahin sa “The Tagalog Christ,†giingong may daghang multimedia features pinaagi sa pagtambayayong sa National Historical Institute, National Library, National Parks Development Committee, mga architectural scholars ug historians ug mga heritage enthusiasts.
Ang maong espesyal nga pahina makita sa Official Gazette website karong adlawa. (/WC)(BANAT NEWS)
- Latest
