Mga balay sa Bohol ipasuta kun wa bay sinkhole
Liezl Mabini Frasno (Banat) - November 6, 2013 - 12:00am

CEBU, Philippines -  Mipasidaan  ang  Department of Environment and Natural Resources(DENR) sa  mga  Bol-anon  nga  susihon  una  ang    palibot  sa ilang  mga balay  kun  wala  bay  sinkhole  sa dili  pa  sila  mamalik  sa ilang  mga  puloy-anan

Sa AGIO Forum  kagahapon  sa buntag si  Engr. Al Emil G. Birador, Chief Geologist  sa Mines  and  Geosciences Bureau sa DENR-7 nagkanayon nga  nagkadaghan  ang  huyong-huyong  nga  nadiskobre karon  sa Bohol  human sa linog  nga may 7.2 magnitude  niadtong  Oktubre 15.

Miingon  si Birador   mikapin  na  sa 10 ang  maong  mga  huyong-huyong  nga  ilang  nasayran,  ug   gumikan  niining  maong  mga  kaugmaran,  nasuta  nila  nga  delikado  ang  mga  balay  nga  may  huyong-huyong  ang  ilawom kay  peligro  kaayo  nga  motislaob  lang  kini  og  kalit.

Maoy  hinungdan  nga  gumikan sa kapeligro niini, giawhag  ni  Birador  ang  mga  molupyo  nga  likayan  una  ang  pag-estar  sa ilang  balay  gawas  kung masuta  nila nga  wala kini  mahilakip  sa geo-hazard map  nga  gidistribuwer  karon  sa MGB  sa  mga  kalungsoran  sa maong  lalawigan. Apan  matud  niya  nga  nag-anam  pa    og  kadaghan  ang  mga  sinkhole  karon  sa Bohol,  samtang  nagpadayon  usab  ang  mga tay-og   aftershocks  matag  karon  ug  unya.

Wala hinuon  magkapareho  ang  gidak-on  ug  giladmon  niini,  apan  kuyaw  kun  matikyaob  lang og  kalit  ang  balay  nga  anaa  sa ibabaw  niini.

Midugang  si  Birador  nga  ang  sinkhole mamugna  gumikan  sa  langob  nga  natabunan  lang  og anapog  ug  dihang  milinog  natandog  kini,  hinungdan  nga  nahulpa  ang  yuta  ug  nalungag  ang  palibot.

May  mga  sinkhole  usab  nga  mugna  sa kahaguka   sa  ilawom  sa yuta  nga sa tantong  uwan  mihumok  kini  hangtud  nga  milubyok  ug  nalungag ug  nahimong  huyong-huyong.

Miingon  siya  nga   ang  sinkhole  anha  mahitabo  sa mga  lugar  nga  anapog  ang  yuta.

Dinhi  sa Central  Visayas,   tulo  ka  lalawigan  ang  adunay  daghang  deposito  sa limestone  kon  anapog    busa  dali  ra  maporma  ang  huyong-huyong.

Kini  mao  ang  mga  lalawigan  sa Bohol, Cebu  ug  Siquijor. (BANAT NEWS)

AL EMIL G BIRADOR BOHOL CHIEF GEOLOGIST DEPARTMENT OF ENVIRONMENT AND NATURAL RESOURCES GEOSCIENCES BUREAU HUYONG
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with