Kawatan gipusil patay
Lesley Caminade-Vestil (Banat) - September 26, 2013 - 12:00am

CEBU, Philippines - Nabuslot ang  bagol-bagol ug namatay ang usa ka lalaki nga gipasanginlang kawatan human kini pusila sa wala hiilhing kriminal didto sa sitio El Flores, Barangay Pasil dakbayan sa Sugbo  kagahapon  sa  alas 4:00  sa kaadlawon.

Ang biktima nailhan nga si Roy Allen Abejo, 28,  molupyo sa maong  lugar kansang  kasong  robbery natala  sa  San Nicolas Police Station.

Matud pa sa ig-agaw sa biktima nga si Jomar nga   sa  sayo pa sa kaadlawon nakadungog  siya nga  may  gikalalis  ang  biktima apan  tungod  kay katugon  siya wala  siya  manumbaling  niini.

Taud-taod nabati  niya ang mga buto sa armas   nga  namatyan  sa biktima.

Samtang ang inahan sa biktima, nga si Flordeliza nagminatay usab og hilak dihang nakit-an ang iyang anak nga naglunang na sa kaugalingon niining dugo.

Nakugang siya  dihang nasayran niini nga napusilan ang iyang anak tungod kay sa iyang pagkasayud wala kini kontra.

Bugtong nasayran  sa inahan mao lang nga napriso kaniadto ang biktima tungod sa pagpangawat.

Si Homicide Section Investigator nga  si  SPO4 Alex Dacua mipadayag nga aduna nay record ang biktima nga robbery didto  sa San Nicolas Police Station. Matud pa ni Dacua nga usa sa ilang gisusi mao ang personal nga panagbangi tungod sa mga taho nga ilang nasayran sa wala pa patya ang biktima.

Samtang sa impormasyon nga ilang nadawat, posibling silingan ra sa biktima ang responsabli.

 Ang biktima nakaangkon og samad pinusilan sa likod nga bahin sa iyang ulo samtang na-recover sa crime scene ang kabhang sa kalibre .45.

Samtang sa laing bahin, samdan usab sa tuong bahin sa batiis ang usa ka batan-on nga dili pa lang dugay naabot gikan sa Davao human maigo sa nahitabong pinusilay sa miaging gabii didto sa Silangan Uno ug Dos sa  barangay Tinago, Cebu City  pasado alas 11:00  sa miaging gabii.

Ang biktima nga si Romnick Bacahin, 23 nga giingong natulog lang sulod sa ilang  balay.

Sayo  niini  si  William Borja, silingan  sa biktima bag-o  lang  nahiabot  gikan  sa Silangan Dos.

Apan giingong kalit lang kini nga giduol sa giingong usa ka Robert Untong alyas  Coring; Johnrey ug Pitong ug sa way igong hinungdan gipaulanan kini og bala.

Gani, ang tulo gikatahong migukod ni Borja paingon sa Silangan Uno nga misangpot   sa pagkapagan sa biktima.

Matud pa ni Waterfront Police team leader SPO1 Reynold Malazarte nga ang tulo nga kontra ni Borja ilang gipangita tungod sa gikatahong subsob niini nga pangigo sa Pier area. (BANAT NEWS)

ALEX DACUA BARANGAY PASIL BIKTIMA BORJA MATUD SAMTANG SAN NICOLAS POLICE STATION SILANGAN UNO
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with