Pagpamusil sud sa diskoral duha angol

CEBU, Philippines - Naangol ang duha ka mga construction worker human kini gipamusil samtang nalingaw pagsayaw sud sa diskohan atol sa kapistahan sa barangay Lunas sa lungsod sa Asturias kagahapon sa alas 6:20 sa buntag,   Ang mga biktima mao sila si Ramon Macapas, 23, ug Michael Morales,19, pulos mga molupyo sa maong lugar. Matud ni PO3 Victor Calimpong sa Asturias Police dihang nahinabi sa Banat News kalit nga dunay nadungog nga butobuto sa armas tungatunga sa kalingawan hinungdan sa pagkatibulaag sa mga tawo uban sa mga biktima. Diha na lang nila nahibaw-an nga nangaigo na sila sa bala diha sa tuong abaga si Morales samtang si Macapas naigo sa tuong bagtak. Wala pa matino sa kapolisan kung si kinsa ang namusil. Ang duha nalandig sa Balamban District Hospital.(/EIM) (BANAT NEWS)