Nanguryente’g isda maoy mikirig
Darrel Carumba, Bryner L. Diaz (Banat) - August 27, 2013 - 12:00am

CEBU, Philippines - Patay diha-diha ang usa ka lalaki nga nangisda pinaagi sa pagpanguryenti didto sa Sapangdaku sa Anislag, barangay Canlumampao, dakbayan sa Toledo sa alas 9:00 sa buntag sa miaging adlaw.

Ang biktima giila nga si Jovel Arzadon, 19- anyos, lumulupyo sa sitio Sambag Barangay Magdugo sa dakbayan sa Toledo.

Matud ni SPO1 Jemelon Cutmaya sa Toledo City Police Station dihang nahinabi sa Banat News subay sa imbestigasyon ang biktima kauban sa iyang uyoan nga si Crisanto Alcontin, nagsabot nga manguryenti og isda sa sapa.

Ang biktima didto sa may sapa samtang ang iyang uyoan didto ra sa balay kay siya maoy mo-plug sa kuryente.

Sumala pa nga naandan na sa duha ang pagpanguryenti sa sapa nga naa nahimutang mga 20 metros sa balay sa uyoan sa biktima.

Matud pa sa taho sa kapolisan nga gipaslak ni Alcontin ang wire  kay misinggit man ang iyang pag-umangkon nga i-plug na kini kay napahimutang na niya ang tumoy sa wire sa sapa.

Dako na lang kakurat  sa uyoan sa biktima dihang nakit-an niya ang iyang pag-umangkon nahagba na sa yuta ug walay panimoot nga nagkupot sa tumoy sa linya sa telepono ug nasunog na ang kamot niini.

Gisuwayan unta pagluwas sa uyoan ang iyang pag-umangkon sa makapila ka higayon apan pakyas siya kay ang iyang pag-umangkon nakabsan gyud sa kinabuhi.  (BANAT NEWS)

 

ALCONTIN ANISLAG BANAT NEWS CRISANTO ALCONTIN JEMELON CUTMAYA JOVEL ARZADON MATUD SAMBAG BARANGAY MAGDUGO TOLEDO CITY POLICE STATION
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with