Mama ni Sen. Guingona gi-ambush

CEBU, Philippines - Padayon ang hot pursuit operation sa militar ug kapolisan batok sa mga gidudahang sakop sa New Peoples Army nga mi-ambush sa sakyanan ni Gingoog City Mayor Ruthie Guingona.

Si Guingona inahan ni Senador Teofisto Guingona III nalandig sa tambalanan ug sumala pa sa report sa GMA News.tv nabalian og bukton ug tiil samtang duha ka drayber nga magsuon ang namatay ug usa ka police escort  nga si PO3 Rolando Benemirito.ang naangol.

Sumala pa sa tigpamaba sa Philippine Army 4th Infantry Division nga si Maj. Leo Bongasia, ang grupo sa NPA - Guerilla Front 4B sa North Central Mindanao Revolutionary Command ang namanhig sa upat ka sakyanang convoy sa mayor. Sumala pa nga luwan sa usa ka Toyota Hi-Lux pick-up truck si Guingona gikan sa pagtambong sa pista sa Upper Kapitulangan sa Gingoog City dihang gi-ambush niadtong Sabado sa gabii pag-abot sa Lower Kapitulangan.(Gikan sa Wires/EIM)(BANAT BALITA)