^

Banat Balita

Eskwater nga minatay

Jessica Ann R. Pareja - Banat

CEBU, Philippines - Bisan ang mga kalabira nga dugay nang katuigang namahulay sa Lorega-San Miguel Cemetery daw nahimong eskwater na hinuon tungod sa gihimong condominium sa siyudad sa Sugbo sa dapit diin sila kaniadto namahuway ilawom sa yuta.

Gibanabanang kapin sa 300 ka mga kalabira, pipila ka mga bahin sa bukog sa tawo, bata, babaye, lalake, amahan, inahan ug basin mga bayani sa ilang mga dapit sa dihang nabuhi pa sila ang gitambak karon sa usa ka gamay’ng lawak nga kaniadto gihimong day care center.

Si Arsenio Quizon, 53, ang caretaker sa Lorega-San Miguel Cemetery nangindahay nga aduna nay kabutangan ang maong mga kalabira tungod kay gikahadlokan na ang gibutangan niini tungod sa mga kasikas ug daw dunay namundak diha sa sulod ini og lawom na ang gabii.

“Naay mamusdak sa taas magabii. ‘Nya unsa man ang ibusdak diha nga wala man na’y gamit sa taas. Upat nako ka iro ang misaka diha, nangamatay tanan,” matud pang Quizon.

Sumala pa niya dihang gisugdan ang pagtukod sa condominium  usa sa mga operator sa heavy equipment ang namatay human giingong gipakitaan og babaye nga gituohan niyang aksidente niyang naligsan.

“Giagi ra kuno og hilanat, namatay dayon. Bisan ang ilang mga ekipo diha, pirmi mangaguba,” matud pa niini.

Samtang ang asawa ni Quizon nga si Jocelyn mibutyag nga nakadungog siya nga dunay tulo ka mga batang nagtabi sa condominium.

Kagahapon sa Adlaw sa mga Santos, mingaw kaayo ang Lorega-San Miguel Cemetery itandi sa mga nangaging katuigan. Ang mga bukog sa Daycare Center way nagtagad og bisita.

“Mingaw na kaayo kay naa naman ang condominium diha. Sa una maghuot na ang mga tawo diri buntag pa lang. Daghan pa kaayog maninda diri, karon wala naman,” matud pa ni Quizon.

Ang maong sam-ang gipasirad-an  ug dili na palubngan og patay sa siyudad sa Sugbo alang sa katukoran sa condominium project nga may gilapdong usa ka ektarya.

Ang maong mga bukog nga padayon pang gipangitaan og hustong kabutangan gipanulod og mga sako ug daw nakalimtan na lamang sukad nga sila giugkat sa ilang mga lubnganan alang sa himuong housing project sa maong dapit.

Dunay migawas nga balitang tukoran og bone chamber sa siyudad sa Sugbo aron kabutangan sa mga bukog ug duna say mitumaw nga balitang ibalhin lang kini sa laing sam-ang, apan hangtud karon bisan usa niining duha wala pa mahitabo.

Lima ka buwan na ang nakalabay dihang ang Division for the Welfare of the Urban Poor mihisgot nga duna sila’y pending nga negosasyon sa administrador sa maong sam-ang nga mao ang Sto. Rosario Parish aron pangitaan og kabutangan ang maong mga bukog. (Jessica Ann Pareja sa The Freeman/EIM)(BANAT NEWS)

 

vuukle comment

BISAN

DAYCARE CENTER

JESSICA ANN PAREJA

LOREGA-SAN MIGUEL CEMETERY

QUIZON

ROSARIO PARISH

SI ARSENIO QUIZON

SUGBO

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with