Narvasa nanalipod sa iyang kaugalingon
CEBU, Philippines — Taliwala sa kasamok sa PBA diin siya ang nasentro, si Commissioner Chito Narvasa mipadayag nga limpyo iyang konsensiya ug andam niyang panalipdan ang iyang dungog.
Si Narvasa miingon nga wala siya’y gipaboran bisan usa ka koponan sa liga sukwahi sa mga pasangil batok kaniya sa pito ka PBA board of governors nga gusto nga mapahawa siya sa iyang puwesto.
Matud ni Narvasa nga dili siya mahangol sa posisyon, apan dili usab siya monaog tungod kay gusto niya ipamatuod nga limpyo iyang konsensiya.
Sa padayong lantugi bahin kun magpabilin ba siya o dili, si Narvasa dili na gusto manghilabot ug gitugyan na niya ang katapusang hukom sa mga PBA governors.
“They’re all grown men. They will find a way. I hope that the board talks among themselves, and I want clarified on the matter, not for me, but for the future commissioners of the league,” matud pa ni Narvasa sa The Philippine Star, ang igsuong mantalaan sa Banat News. (BANATNEWS)
- Latest
