CEPCA makigtigi sa Argao Chess Club didto sa argao training center

CEBU, Philippines - Ang mga sakop sa Cebu Executives and Professionals Chess Association (CEPCA) makig-engkuwentro batok sa Argao Chess Club sa usa ka 15-board match play karong weekend didto sa Argao Training Center.

Isip pasiunang dalit, ang Cepcans ug ang Argaoanons magtakus sa ilang abilidad sa usa ka 5-round Swiss blitz tourney sa Sabado sa gabii.

Ang ilang sangka gikatakda karong Domingo sa alas 9:30 sa buntag. Sa dili pa ang mga duwa, usa ka simpleng programa ang ipahigayon sa alas-9 sa buntag diin si Argao Mayor Stanley Caminero maoy dinapit nga mamumulong. Sila si Caminero ug CEPCA President Engr. Jerry Maratas mohimo dayon sa ceremonial moves  timaan sa opisyal nga pagsugod sa torneyo.

Ubos sa pagpangu ni Maratas, mokumbati sab sa kampo sa CEPCA mao sila si Carlo Maraat, Bong San Pascual, Ruel Hortelano, Jun Kidlat, Manny Abucay, Mario Bustillo,   Alex  Olis, Eddie Flores, Caesar Fernandez, Vince de la Torre, John Velarde, Solon Bagalihog, Richard Ouano ug Therese de la Torre.

Sila si Jun Olis, Dante Arguelles ug Ely Bercilles magsilbeng reserves.

Makigtige sila batok sa mga tang-an nga magduduwa sa Argao Chess Club nga naglangkob nilang Yves Fiel, Hector Villamora, Ferdinand Sarillana, Edwel Alesna, Julius Albina, Percival Fiel, Atty. Jonathan Villegas, Vic Cueme, Conciso Sartagoda, Vicente Canada,     Polen    Gealon, Javier Villaflor, Eustaquio  Soria, Kenneth Quindala ug Gizelle Fiel.

Nagpaluyo sa maong kalihukan mao ang Argao LGU ubos sa liderato ni Caminero, konsehal Venerando Villaflor, Jessa Mier ug Jonathan Villegas, Argao Sports Commission pinaagi sa executive director niining si George Albarracin ug mga opisyales sa Argao Chess Club nga sila si Percival Fiel, Vic Cueme, Hector Villamora, Julius Albina ug Engr. Ferdinand Sarillana. (BANAT NEWS)