Apektado sa sunog sa landfill gihatagan og ayuda
CEBU, Philippines — Gihatagan og ayuda ang mga mamasurahay sa Dakbayan sa Talisay human nasunog ang landfill sa Barangay Tapul niadtong Lunes sa udto.
Apan nibalik ang kayo pagkaugma hangtud nga lapad nga lugar sa landfill ang nasunog.
Ang silingan nga barangay lakip ang silingan nga lungsod nanawagan na sa katawhan nga magsul-ob og facemask aron di mahanggap ang isog nga baho sa aso.
Si Talisay City mayor Gerard Anthony “Samsam” Gullas nimando gilayon sa City Social Welfare and Development CSWD sa pag apod apod sa tabang sama sa lima ka kilong bugas ingon man canned goods.
Matud pa ni Gullas nga apektado ang panginabuhian sa mga mamasurahay hinungdan nga ayuda ang ilang gihatag.
Posible nga karong Biyernes nila mahatag ang pinansyal nga ayuda alang sa apektado sa sunog.
Nihangyo sab siya ni kongresista Rhea Gullas nga dugangan ang ayuda.
- Latest
