Face to face nga klase sa siyudad sa Lapu-Lapu gibalik na

CEBU, Philippines — Gibalik na ang face to face nga klase sa publikong tunghaan sa dakbayan sa Lapu-Lapu sugod kagahapon Abril 17, 2024.

Subay sa Department of Education Regional Offices Memorandum may kalabutan sa adoption sa distance learning gipahibawo ni Lapu-Lapu City mayor Junard "Ahong" Chan nga ang klase kinahanglan nga magsugod sa alas says sa buntag hangtud lang sa alas dyes sa buntag ug sa hapon alas 3 hangtud sa alas 6 sa gabii. 

Una niini gisuspenso ang klase sa nilabay nga semana sa DepEd tungod sa grabeng kainit nga nasinate sa Sugbo.

Samtang sa mga pribadong tunghaan ang mga school administrator maoy gihatagan og gahom sa pagsuspenso sa klase sanglit ang kadaghanan sa class room mga aircondition man ug ang uban migamit og electric fan.

Sukwahi kini sa kahimtang sa mga lawak saringan sa mga publikong tulunghaan nga gawas nga dili aircondition wala pa gayod kisame ang ilang atop nga maoy hinungdan sa grabeng kainit nga masinati sa mga tinun-an. (BANAT NEWS)