Mayor Rama nanawagan ug pag-ampo alang sa kahiusahan

CEBU, Philippines — Nanawagan si Cebu City Mayor Mike Rama ngadto sa mga Cebuanos nga mag-ampo alang sa nasud nonot sa pagahimoon nga prayer rally karong adlawa Pebrero 25 diha sa South Road Properties SRP.

“Please, pray for our country! Pray for the island of Cebu! Pray for Cebu City! Pray for the down trodden,” suma pa ni Rama atol sa kalihukan sa 87th Charter Day celebration kagahapon.

Atol sa press conference, gikompirmar ni Rama ang iyang pagtambong sa prayer rally diin si kanhi president Rodrigo Duterte ang gipaabot nga guest of honor.

Suma pa sa mayor nga siya makighiusa sa katawhan alang sa pag-ampo sa kalinaw ug panaghiusa ug dili aron mabahin bahin ang nasud.

“I will be attending…As President of the League of Cities in the Philippines, we are supporting a united and undivided, Indivisible Philippines…No.2, that I stand for the duly constituted authority and I’m still for Uniteam, Marcos-Duterte, “dugang pa ni mayor Rama.

Samtang giklaro ni Rama nga dili siya pabor sa movement for separation of Mindanao ug ang iyang pagtambong usab maoy agig pagsuporta sa panawagan nga pakigbatokan ang Constitutional change pinaagi sa People’s Initiative. (CEBU NEWS)