Baranagay Pangan-an sa Lapu-Lapu nakadawat og mga fire extinguisher

 CEBU, Philippines — ^{Nakadawat og 100 ka fire extinguishers ang Barangay Pangan-an gikan sa lokal nga kagamhanan sa dakbayan sa Lapu-Lapu niadtong adlaw nga Biyernes, Pebrero 9, 2024.}

Ang pag apod-apod sa fire extinguishers kabahin sa duha ka semana nga training sa basic disaster response nga gipasiugdahan sa mga sakop sa Lapu-Lapu City Disaster Risk Reduction and Management Office (CDRRMO) nga gipanguluhan ni Nagiel B. Bañacia ang pangulo sa LLCDRRMO.

Gawas sa fire extinguishers nga gihatag aduna usab mga gamit alang sa pagpalawum sa dungo-anan sa bangka sama sa piko ug pala.

Atol usab sa programa mokabat sa 600 ka mga residente sa isla ang nakadawat ug relief food packs human nipaubos sa maong training.

Matud pa ni Bañacia ang maong programa gimando kini ni Lapu-Lapu City Mayor Junard Ahong Chan nga unahon sa pag training ang mga anaa sa isla nga residente tungod kay layo sila sa City Hall ug sila ang pinaka labing maapektohan kun adunay katalagman.

Samtang mapasalamaton usab si Bañacia sa kapitan sa Barangay Pangan-an nga si kap Junrey Casiao sa pag supporta sa duha ka semana nga training program. (BANAT NEWS)