Mga empleyado sa matag barangay sa Minglanilla nakadawat og tag P2 mil
CEBU, Philippines — Gipang-aporan sa kagamhanan sa Lungsod sa Minglanilla og tag P2 mil ang mga trabahante sa matag barangay.
Nidawat sa pinansiyal nga ayuda o pinaskohan ang barangay health workers, barangay tanod, GAD ug BADAC focal nga empleyado sa tanang barangay sa lungsod.
Dungan ang pagpanghatag sa ayuda ngadto usab sa mga Persons with Disability (PWD) ug solo parent.
Ang Lungsod sa Minglanilla nakatala og 1,918 ka PWD ug 1,240 ka solo parent diin modawat sila sa ayuda nga tag P2,000 kaduha sa usa ka tuig.
Ang mga beneficiary nipadayag sa ilang kalipay sa nadawat nga ayuda tungod kay aduna sila’y magamit sa pagpamalit alang sa pagsaulog sa pasko. Ug mahimo usab nila kini nga magamit sa pagpalit og mga kinahanglanon sa ilang panimalay. BDB (BANATNEWS)
- Latest
