Talisay wala modeklara og suspension sa klase

CEBU, Philippines — Wala modeklara og suspenso sa klase ang Dakbayan sa Talisay bisan og naapil kini sa yellow warning. Nakasinati man tuod og pag-uwan apan nawagtang ra usab kini pipila ka oras. Si Alvin Santillana, pangulo sa City Disaster Risk Reduction and Management Office (CDRRMO) nitataw nga kanunay sila nga blue alert status.

Matud ni Santillana nga andam ra sila kanunay sa bisan unsa man nga panghitabo.

Ang mga bukirang bahin sa siyudad lakip na ang kasapaan ug kadagatan ang ilaha usab nga gi-monitor. Wala sila’y na-monitor nga pagdahili sa yuta sa kabukiran apan gipahimanoan nila ang katawhan nga magbantay tungod sa posible nga paghumok sa yuta.

Samtang si Konsehal Eduardo “Digul” Gullas III nipahibawo nga walay suspension sa klase. Iyaha kining giklaro human nga daghan sa Talisaynon ang nipadangat sa ilang pangutana dihang nasinati ang pag-uwan. (BANAT NEWS)